可恨的一份財政預算案

一份咁嘅財政預算案，何須咁貴人工請個財政司去做呢？

e位財政司，年年計錯數，結果年年有盈餘。

如果搵我做，我膽粗粗都會接，5萬蚊幫你攪掂！肯定受歡迎過e份。

d錢香港人架，一係就派番比香港人，一係就做番d貢獻，例如修橋起路，起公屋，增加醫療服務、教育、護老、環保、社區設施.......唔使我教啦！

成日話驚加劇通漲，你驚佢都會加啦！

Lagostina Pressure Cooker 7L

3叔姐終於忍唔住，夾埋大小姐，以買兩個有9折再9折優惠，買咗....

我問幾多錢，佢唔肯講；我話唔驚危險咩？佢話見個friend用咗6-7年無事喎！之前借過返黎試用覺得好正，所以決定買。

3叔姐話，廚房野等佢決定啦！咁又係，3叔姐都係為個家啫！







官方相片：

Hello Kitty 請食飯

好難得公司部份同事有人工加。Hello Kitty有份，隨即請一眾好友食飯，分享喜悅，我有份分享。

地點由我揀，揀咗灣仔“八喜”。鍾意八喜有段古，簡單講，係因為好多年前響藍田八喜遇到當時超體貼窩心服務嘅林苡廷經理，（佢e家響黃大仙八喜）加上成年無去，好恨食佢嘅（相片全部上open rice搵嘅）：

度小月粢飯


南瓜鮮肉包


擔仔麵


台南肉碎手卷


胡椒包


招牌春卷


燒青魚


冰鎮花膠筒


超好食。多謝 Hello Kitty

正月十五

元宵佳節，都應吓節啦！

一人5粒。

見到阿女14號收到嘅花仍然開得燦爛，3叔姐仲好有心機分開兩份插得好靚，影番張相先！

3叔姐母女的SMS

某日3叔公一家約好去太古城美心皇宮飲茶。3叔公同3叔姐先去霸位。

有位，3叔姐SMS比Mon姐 ：已經有位，不用急，但要快點來！
Mon姐SMS回復 ：收到，我現在慢慢喪跑過來！

地鐵碌花生

地鐵碌花生？無錯！響地鐵車箱坐響個位碌花生！

話說今晚落到太子站往中環嘅月台，有兩位地鐵職員剛剛黎到，剎有介事，各佔一門，準備上車。列車到達，等人落晒車，兩位地鐵職員即刻上車，走埋一位男士面前話：“先生，地鐵唔準食野架！”原來e位仁兄，大無私樣，一邊坐地鐵一邊碌花生，仲食有衣果隻。d殼同衣一櫈一地都係。相信有人睇唔過眼，話比司機聽，司機叫職員上車。

點知個男人話：“我見有人食雪糕喎！”仲講大話。兩位職員要位仁兄執番晒d殼同衣，執到佢過咗站都未執完。

雖然睇到一幕大快人心嘅“捉到正”，可惜始終都放過條友仔，仲執得唔係好乾淨，個地仲有殼架，就比佢落車。

2011 年初三，行大運

年初三，又係維多利亞幼稚園Friend Club聚會的日子。

上環桃源飲茶，派利是，山頂行大運，PC家開枱，大食會.......

山頂盧吉道，仲迫人過旺角




天色好好






大榕樹，又見喇！


經過盧吉道30號，少不免又想起當日恐怖經歷。


返到PC家，女士們開枱打台灣麻雀，打籌碼，唔傷和氣架。


我就影吓人家怖置：
























開餐喇，得兩碟菜




同埋元朗萬里緣盤菜




出年再見

2011年初二

一早同3叔姐嘆完茶，返屋企坐定定先至識得欣賞吓d怖置。



e幾年都係買劍蘭，@$20，愚意步步高升


d花今日先至開。

諾晞到訪

今日諾晞到訪，除咗曉行曉走，仲連abcde都識唔少，感覺e家d細路大得好.....快，自己就，老得好.....快。唔認唔得啦，諾晞都就快做阿哥喇！















祝諾晞健康成長，快高長大。