『貴族』米

同事嘉嘉介紹食一隻米，個名叫『貴族』。因為一路食開金象，再溝紅米，唔敢茂茂然買包8公斤貴族黎試，所以，嘉嘉響屋企『畢』少少我試下至買，雖話少少，都夠3個人食兩日。







今晚3叔姐專登煮我嘅飛佛：牙菜仔豆卜黎試e隻米


仲有肉餅、海鮮、3番湯






d飯飯味唔係好夠，不過白雪雪，滑o劣o劣，都算唔錯，介紹得過！

冰河世紀4 - 20分

以為一個人買飛睇冰河世紀4好易買，點知只買到第三行。

康怡既第三行真係唔得，張椅太企，下次咪攪。

套戲都引到小朋友笑到Ka Ka聲，間中都有大人笑。至於我，除咗瞓咗一陣之外，套戲都吸引唔到我，side 錢添！

偷橋

3叔公食完飯同3叔姐講：老婆，你又買餸又煮飯咁辛苦，食完飯之後嘅工作由我黎做得喇！3叔姐隨即露出窩心嘅笑容。

其實響5分鐘之前有個雪印奶粉電視廣告 : .... 之前果10個月，辛苦你喇，往後，就等我地幫下你手啦！



我偷橋啫！

維多利亞幼稚園 Friend Club的大喜事 (2) – 登“陸”

飛吻爸牛一，今年登“陸”，佢d家人為隆重其事，響九香延開十數席，為其慶祝。





我地執咗d過往得意相，造張生日卡送比 Birthday king










登“陸”，於人生黎講，都算一件大事，如果我到e日嘅話，代表我要離開工作41年嘅機構喇！要進入人生另一個階段嘅！

秀髮

好幾年前每次洗頭都好不安，因為洗完頭後總有一執執嘅脫髮留響個隔隔度。

但係近e一、兩年情況已經有所改變，可惜改變唔係甩少咗，而係無乜頭髮好甩喇。

最近摷番20歲時一幅相，當年一把粉絲般硬嘅濃密 ”秀髮”，俱往矣！


幸運嘅係，頭髮只係稀薄咗，M字額或者地中海都無出現。

維多利亞幼稚園 Friend Club的大喜事 (1) - 飛吻出嫁

2012年7月7日，今日飛吻出嫁喇，無疑，e個一定係維多利亞幼稚園Friend Club嘅大喜事，因為佢地7個同學仔：飛吻、Three B、大廚、會長、韓醫生、熙熙同埋Mon姐，飛吻第一個出嫁，點會唔開心哩。所以，由尋晚上頭開始，到今朝接新娘，auntie們就好似自己嫁女咁，落手落腳，參與盛事。

一梳梳到尾、再梳白髮齊眉、三梳兒孫滿地


新外母+Auntie們造嘅小食，接新娘後食，其實造e d 小食都唔簡單，6月30號就攪咗個試食會





飲杯新抱茶、富貴又榮華


『我要接新娘！』


其實 uncle們都有付出架，因為d auntie為咗隆重其事，先後上咗深圳造衫、試衫、改衫、攞衫…無七次都有五次，咁uncle餐飯就要自己食喇！當然，食得開心嘅！


飛吻開席前都同各位親友講咗一d說話，例如多謝老爺奶奶、爸爸媽媽等，內容真情流露感人，一邊講新郎哥一邊“吹沙入眼”，之後，就輪到講我地喇（咁早就講我地？可想而知我地響佢心中嘅重要）：『今晚我要多謝有台好特別嘅、響果度嘅（右手輕輕一指），係我幼稚園嘅family啦，我諗外人唔會理解點解我地會咁close…佢地好似我嘅屋企人，佢地好似我嘅親阿E咁樣，睇住我大，亦都將好好嘅比我。今日婚禮有好多部份嘅嘢都係由佢地去協助嘅，佢地好似自己嫁女一樣咁開心，我都好多謝佢地。』（一輪掌聲，相信係表示飛吻講得好，同埋係比e個連丁毓珠/孔美琪（校監/校長）都唔知道就成立咗嘅Friend Club）。世侄女都好識講嘢！

今日亦好難得，Friend Club有16人出席（Friend Club嘅人數其實不斷增長緊，例如今晚嘅新郎哥就走唔甩，自動成為會員啦！），飛吻媽好醒目，同酒店講：『e圍幫我加大坐16個！』真係醒！









酒店怖置、服務、婚禮協助等都好專業，讚！






宴會廳外仲有美景陪襯




Mon姐做姊妹








簽咗就係鍾太喇，恭喜晒！


獨家照片：入面賓客睇緊片，飛吻同米糕坐響門口等march in

最後，恭喜飛吻同米糕：相親相愛、相敬如賓、有商有量、有福同享！

七月一日, 一個重要的紀念日子

又過咗兩年喇！今日開始進入第 36 年！

今年一家3口去咗Misocool食至愛嘅芝麻醬海鮮冷麵慶祝




稍微美中不足係送比3叔姐嘅禮物要7月11至有貨。Sony Xperia U

唔使去印尼都可以食印尼飯

2012嘅一半又快過去，好多人話：時間過得好快，其實睇你點睇，過去咗嘅就覺得好快，未黎到嘅就覺得好慢，例如報咗名去旅行，等極都未到日子！當去完旅行之後，又覺得日子過得好快。

今日又係“舔”特首最後一日返工，好野，佢無得再“舔”香港人d錢喇，雖然佢仲有好多箱茅台，不過飲晒就無啦；可憐，天日輪到『講大話』上場，希望，保皇人士得到好處之後，有番少少良心，幫手監察『講大話』，唔好係又Yes，唔係又Yes，如果唔係傳媒監察得佢咁行，都揭發唔到佢d衰野，迫唔到佢一個大話冚一個大話。

今日羅慧娟姊妹病逝，好可惜。羅慧娟響同福受浸，當日都係3叔公影嘅受浸相。希望姊妹好好安息！

今日有維多利亞幼稚園 Friend Club聚會，聚會原因係其中一個 Family嘅印尼姐姐 Julie 生日，佢要煮印尼飯比我地食。

開飯前影幅大合照先，不過一個幼稚園同學仔都無出現。


齋睇相，我唔知個餸名
















主人家最近入嘅剌綉畫