閒逛羅湖城

閒來無事，3叔姐話上羅湖城行下，就係咁，兩支公兩點幾就到達羅湖城。佢放低塊布做衫、hi完tea，行一陣，就去咗我地好鍾意去嘅 Ki Ki 唐山骨瓷，今次又有收穫：













人仔130蚊 ,質素唔錯。

5點幾就開始回程，好迫人？勁少人！

e幅相係響羅湖城3樓尋味閣hi-緊tea時望落去影嘅！

南華送的中秋節禮物

南華送的中秋節禮物



今日抱住戰戰兢兢嘅心情入場睇南華，因為對手係傑志。

睇咗97分鐘心驚肉跳嘅比賽，以為0 – 0各失兩分之際，No.19 迪亞高竟然接應積施利長傳近門抽入。完場，無仇報。

我又一次見到，搏，未必有，唔搏就實無，南華球員又將拼勁用到盡，搏到喇！我逢南華必睇就係因為咁囉！

今日第12個 resign

4月30號話5個同事resign咗，8月6號話9個同事resign咗，今日，9月28號，第12個已經遞咗信。屈指一算，都唔錯喇，唔夠一個月走一個。

其實同事流失好正常，例如唔使做啦！轉工啦！轉部門啦！退休啦，做管理層一定要兩手準備。不過我e team就難攪d，因為我地負責賣服務，總共分Voice，Data同賣人，包含咗16隻product，每隻product又有過10款嘅brand，每隻brand又有過10款嘅model，每個model又有過10款嘅version，又分自己人做定外判做；加上公司嘅database system或者application system又超過10款，每做一份合約由draft出街到返黎收錢起碼10個steps唔少得，咁10個10個又10個，淨係講都有排講，仲話教新人？ 教嘅無心機教（或者唔得閒教），學嘅無心機學！

個target唔會因為你走咗d熟人請番d新人就會減，management係唔會同情你，因為，佢唔到數都無人同情佢。其實除咗低層同事走得多，高層都走唔少。一個VP退咗休，一個MD下個月走，跟住就到一個 Head of Sales走……

最近好難得同老闆傾咗兩句，真係兩句。我話：最近好難得見下你！佢話：好攰！

其實老闆都係打工啫！

2012維園花燈夜

睇完南華贏波順路入維園睇花燈。

以往每年今日維多利亞幼稚園Friend Club都有聚會，就係去鰂公賞月。每伙人帶d食物，例如傳統嘅月餅、沙田柚，或者去皮芋頭、生果，甚至熱普珥茶都成壺帶去。

搵兩棵樹拉起一條繩，繩上隔一尺掛一個燈籠，燈籠下面鋪膠枱布，成個地盤就咁就攪掂。大人就吹下水，細路就點下蠟燭，然後又食下野，感情就係咁建立的越黎越深。深得就連最近結婚嘅"飛吻"，響宴會時都特別多謝一班維多利亞幼稚園Friend Club嘅Auntie，佢話大家就好似一家人咁。

近e幾年可能因為d細路大晒喇，有結咗婚、有響英國做野、有響上海做野、又或者要拍拖，聚會就少咗。好似今晚咁，得4個auntie 開枱，Mon姐去飲，我就難得清靜，響公司做到4點走，先睇波，再入維園，節目都唔錯。

背景有同福嘅“耶穌是主”






 

個月光好圓


有小朋友做大戲






又有靚女

$188遊迪士尼

儲社同迪士尼攪咗個"老電"萬聖盈月包場之夜，限5000人，可以由下午4:00玩到盡至夜晚11:00，每位$188。

除咗迪士尼基本設施可以享用之外，佢等其他遊客9點離場後，仲加咗d“鬼鬼怪怪”嘅氣氛，例如扮“鬼”同憤煙。





入咗場食完晚餐至開始玩






咁樣玩法都唔錯，我地5點幾至入場，無咁熱，食野玩野都唔使點排，好難得，1家3口relax遊迪士尼。




雖然知道好多同事參加，但係都唔係咁易遇到我識果d，反而人海茫茫，見到堂孖侄仔一家（佢老豆，即係我堂細佬都係老電人黎架！）。

Parade








臨走經過d shop 入到去見到米奇同佢d friend，又比佢地吸引住。

滴漏咖啡

出街飲咖啡鍾意虹吸，自己整就鍾意滴漏，即係倒d磨好嘅咖啡粉（唔係即溶）落filter紙度加熱水…滴滴滴滴滴滴滴，一杯滴漏咖啡就攪掂，唔使煲唔使煮，清潔又容易。

滴完等一陣就好飲，襯熱，唔加糖唔加奶（因為無益），品嘗一杯真正咖啡嘅味道。

濃咖啡每日唔好飲超過一杯，緊記！

有日Mon姐送上一包咖啡，原來…











飲後報告：淡！水多咗D！