飲茶

因為4高，所以偏向飲茶。

通常屋企飲六安，3叔姐鍾意趁英記減價時買。六安好香，有親朋戚友到訪時食完飯響廚房沖六安，未出廚房門口d人都問：好香，乜野茶呀？

出街飲茶會飲水仙，初初唔鍾意飲，初初淨係識叫普洱，但係水仙飲多左就好鍾意佢經過喉嚨果個味同感覺。好多酒樓（高級d果d）無水仙，通常沖壺鐵觀音出尼，但係完全唔係果回事，味都唔同。

響公司會飲龍井，唔知點解，上午做到10點幾或者下午做到4點幾就開始烏下烏下，又唔想飲咁多咖啡 (e家每日唔敢飲超過一杯，因為咖啡因吸鐵質，飲得多貧血，會骨質梳鬆)，所以飲龍井，甘甘地，飲完個口好有清新感。不過響深圳買既cheap野唔包括在內，因為cheap一陣草青味，唔甘。

今日Twins媽送尼好靚（個盒）龍井一合，真係感激流涕。在此講聲多謝，並祝Twins媽：好心有好報，事事如意，青春常駐，身體安康。