令人驚喜的旺角場

南華對港菁 旺角大球場 2:30PM

闊別旺角場兩年，趁今日南華有比賽，一早返公司趕做一d必做嘅report之後，就過旺角，入場睇下



成個場感覺好grand，布局好正，舒服，一人一個位，高角度望落去，兩隊波嘅組織同每個球員嘅表現都睇得一清二楚。好似基藍馬一拳打落辛祖度，全場都睇見，紅牌無得傾！

有人問我：你成日一個人睇波唔悶咩？我唔悶架，因為一定唔會得我一個人睇波架！

又有人問我：香港波有乜好睇吖！點解唔睇英超呀？我都想，但係我要睇現場囉！如果話望住個40”電視睇就話係睇英超，我話入場先至叫睇波囉，響屋企睇英超只可以叫“睇電視”。

睇下個場幾靚！