曾經同3叔姐講：你覺唔覺d人搭巴士好怪，架車大把位佢唔坐，係要坐你前面或者後面！ 3叔姐話：無乜為意喎! 我通常揀窗口大d嘅坐喎!
上星期放工，已經9點幾，2号車樓上無乜人，連埋我4個，倆個坐車頭，一個坐車尾，我坐車中間右邊窗，睇緊“49日”大結局。架車去到人民入境站，上咗5個人連一件大行李，上咗樓上，一個男人連行李坐我左手邊窗，倆個女人坐佢後面，另外仲有倆個男人坐咗我後面，並且開始傾計，坐我後面其中一個可能係大學教授， 高談濶論，旁若無人，我塞住耳筒都聽得清清楚楚。唉! 架車咁多位佢地唔坐，差d就包圍住我坐.....我真係頂.....唔順，走落樓下。
坐地鐵
星期5過旺角睇南華對公民，6點9由公司走，落到金鐘站，已經人流管制，6點9喇喎！咁誇張! 終於落到月台，嘩! 邊度黎咁多人！！！加埋港島線有車到站落客.....唉！仿如走難！響等上車期間，又熱又焗，一有車到站，我明明無行過都比後面迫到我向前。我都唔記得等咗幾多架車(一定超過10架)，7點9至入到場。我終於發現如果住九龍d同事早放工搭地鐵係咁慘嘅!
坐地鐵
星期5過旺角睇南華對公民，6點9由公司走，落到金鐘站，已經人流管制，6點9喇喎！咁誇張! 終於落到月台，嘩! 邊度黎咁多人！！！加埋港島線有車到站落客.....唉！仿如走難！響等上車期間，又熱又焗，一有車到站，我明明無行過都比後面迫到我向前。我都唔記得等咗幾多架車(一定超過10架)，7點9至入到場。我終於發現如果住九龍d同事早放工搭地鐵係咁慘嘅!
沒有留言:
張貼留言