過完年返工

一過完年就全力投入工作，直至今日至抽空入場睇南華贏晨曦4-2。

過完年返工，點忙都好，派利是實走唔甩。Total派咗60封，算少，最多果年派咗130封，每封$20 都要$2,600，不過新年流流，派嘅開心，收嘅更開心。今年自己Team派利是都有d得意野，例如：

A同事同B同事講：你想唔想爆數吖？你想就比封利是我，我就祝你月月爆數。（咁開門見山!!!）

C同事同D同事講：我祝你身體健康、青春常駐、步步高升、開開心心……；D同事話：咁我祝你心想事成啦！（佢就精喇!!!）

E同事同F同事講：恭喜發財，請你食個曲奇餅吖，係我親手整咖；F同事話：我都祝你財息兼收，請你食粒金莎吖，係我親自落街買咖! (@#$%)

G同事見到Sales：祝你生意興隆；轉頭見到修理Engineer：祝你無驚無險，日日收6點!（轉數真快，因為祝修理Engineer生意興隆就麻煩喇!!!）

雖說新年流流，但係今年公司內都收到唔開心消息。安裝部偉哥血癌，要繼續化療；Consulting Team 李Sir鼻咽癌複發，主懷安息咗；最難過係收到舊同事 Judy老公多倫多長途電話，Judy腎癌，搏鬥3年，剛剛又蒙主寵召，先行一步了。好懷念 Judy，開朗、樂觀、好禮貌、能幹、有教養、有計劃，離職後相夫教子…… 走咗喇 !可惜。