又買書

以前讀書成績好差，往往望住本書成個鐘都唔知佢講乜。但係睇其他書又鬼咁快，全套金庸睇完又睇；衛斯理睇晒、古龍睇晒…

又鍾意買書，最近又買咗4本：



其中e本有個故事幾好笑，

大致係兩姊妹唔想返學嘅對話：

家姐：如果聽日唔使返學就好啦！我希望d鬧鐘壞晒！

妹妹：不如今晚瞓覺唔好關騎樓門，等d賊入黎偷晒d野，聽日仲點返學呀！

家姐：媽咪我今晚瞓覺唔衿被，媽咪你唔好同我衿呀！

媽咪：點解呀？

家姐：我冷病咗咪唔可以返學囉！

妹妹：家姐唔該你傳染埋我吖！