大廚廣東話

大廚移民回流，d廣東話好唔掂。

今日同佢講開d中國人講嘅客氣說話（當時有3叔公、3叔姐、Mon姐、大廚同佢阿媽在場）。

3叔公：中國人稱呼自己阿媽叫家母；稱呼人地阿媽叫令壽堂

大廚：點解會咁嘅？

3叔公：其實都幾虛偽架！又好似阿女咁，稱呼自己個女叫乞衣女；稱呼人地個女就叫令千金。

大廚：（手指旁邊佢個阿媽）e個係我乞衣阿媽………

寵愛? 寵壞?

每次公司有同事請食生果，或者有客送果籃黎，我都唔食，因為……

我絕對係比3叔姐寵壞咗，因為屋企嘅生果我係可以咁樣食嘅：

去皮去核嘅紅提子





梨同橙都切好晒！橙比較難切，因為3叔姐會將兩邊衣同芯都切埋，甜好多！

血壓高

食咗血壓藥12年，好有機會要食落去，到死為止。

有人知道原來食血壓藥一開始食就要食一世，點都唔肯開始食，但係又搵唔到原因點解血壓高，結果，唔係爆就係塞；又有人試圖用另類療法代替食血壓藥，有個中學同學就係因為學氣功，感覺有效，自己停藥，結果享年唔夠40。

如果驗到長期血壓高就要食藥，食一世就食一世啦，好似近視咁，足足帶咗40年眼鏡，唔通怕帶一世眼鏡就唔帶？咁咪成世濛查查囉！

食血壓藥其實未必無得停，因為血壓高同發燒一樣，係症狀，只要搵到原因，又醫治到，d血同埋血壓就會正常番。

除咗先天同有病之外，最導致血壓高嘅原因係食過量鈉，即係Sodium，乜野食物最多鈉?鹽同味精都多，所以好咸同d礶頭醃漬食物少食為妙，例如火腿腸仔，甚至我嘅飛佛，煙三文魚。

所以e家買副食品都唔好懶，望望Sodium d 數值至好買。

超高例子：

朝鮮王朝500年

好偶然響大眾書局見到e本書，點可以唔買呢！成日睇古裝韓劇，又話燕山君殘暴，又話甲子士禍，對朝鮮歷史一d概念都無，今次好喇，買咗本書先，一唔明就揭書，咁樣睇古裝韓劇就樂趣無窮喇！

Mon姐墾丁自由行

Mon姐繼幾個月前澳洲自由行之後，上星期又完成咗墾丁自由行，3叔公自然要求借d相黎登下。梗係啦，我無得去，但係d攝影器材由我借出，佢無得推嘅！

鵝鑾鼻燈塔


尋寶屋


住咗兩晚嘅民宿，叫“21.5靚”。
http://uukt.idv.tw/_tw/member/01_detail.php?kd=335




住咗兩晚嘅 "香格里拉時尚旅店"
http://uukt.idv.tw/_tw/member/01_detail.php?kd=216




起士包=Cheese包




墾丁響邊？台灣最南！

新特警判官3D - 視覺享受，80分

睇咗一套充滿血腥暴力、畫面極度震撼嘅3級片–新特警判官3D，佢嘅3D+超慢鏡（仲慢過奧運跳水慢鏡重播），可以一清二楚見到中彈標血同跳樓爆漿嘅畫面。



劇情……唔好提喇，主角又係打極都唔死，不過淨係視覺享受，我比80分囉，用$85睇一套3D大制作，值得。同$50睇一套消失的子彈，唔值。不過佢都係輸比海豹特擊隊！

坐14號去赤柱

睇ATV嘅『再現芳華』（可能記錯名都唔定），有一集介紹赤柱8間屋，今日就同3叔姐去逛下。

e度都有兵馬俑


無去好耐，街口個足球場原來已經變咗赤柱體育館




由體育館天台花園往下望


赤柱，仲多人過旺角




識咗3叔姐幾十年，又唔癢又唔悶，其中一個秘訣可能係兩個都鍾意放假4圍去，坐公共汽車，睇一d大自然或者公共設施，用錢唔多，見識多咗……值得介紹比親朋戚友。

散水餅

每次有同事走都請食餅，我地叫e種餅做"散水餅"。

今次"表妹"走請食既"散水餅"好靚，1合9件，雖然 一邊食，一邊唔捨得，都多謝佢臨別秋波，留比我地咁美麗回憶。








Natural Chiffon : http://www.facebook.com/naturalchiffon

嘉道理農場

好多好多年無去嘉道理農場，趁3叔姐生態班d同學攪嘉道理農場半日遊，一於跟埋去。入場每人$20，坐Suttle bus每人$10，我地約得早，坐第一班車上山，上到“觀音山 ”山頂落車，然後沿途行行睇睇行落山，5個鐘，都幾攰。



嘉道理農場養咗好多動物，但係今次我地以睇植物為主

由山頂望到石崗機場跑道同左上方嘅元朗


石頭上越多地衣表示該處嘅空氣越好




枸骨樹葉






有條蟲扮樹葉


落到山shopping




小插曲：離開嘉道理農場之後一行人去食lunch，食完跟朋友去攞車，隔離居然泊咗架車牌一樣嘅車響度(字頭唔同)，真係“橋”！

冰烤蕃薯

朋友介紹去“佳寶”買『冰烤蕃薯』：

凍食：由冰箱取出放30分鐘，開邊用匙羹“畢”黎食，有食雪糕feel。

熱食：叮1.5分鐘食得，似燴蕃薯。

難能可貴價，每合$10！有10“舊”

迪欣湖

成日見小牛去迪欣湖玩，今日趁假期同3叔姐去行下，結果，人多過旺角。



雖然路途係遙遠嘅！人又多，但係空氣係清新嘅！風景係靚嘅！感覺係舒服嘅！

多謝小牛介紹！






























行完等R8再轉A12返家，全程4個鐘。