飛蚊症?!

最近兩星期每次左眼由左轉右時都見到有團薄薄嘅白影由右轉番向左，睇眼科，不得不記低以下痛苦經歷：

• 入房前先響雙眼滴放大瞳孔藥水
• 入房醫生用強力電筒360度檢查眼球底
• 再響雙眼滴螢光藥水，用強光檢查青光眼
• 再用一支野點下兩隻眼check壓力
• 再響左眼滴麻痹藥，然後搵個放大鏡貼住眼球用直射光check視網膜
• 最後再響雙眼滴收宿瞳孔藥水

結果：無糖尿眼、無青光眼、無白內瘴、視網膜無事、無藥食、無眼藥水滴，無得醫！

「咁乜野事呀，醫生」
「退化！飛蚊症。」
「吓！飛蚊唔係黑點或者黑線咩？」
「唔一定架，白色係液體狀飛蚊，如果嚴重咗就再黎啦！」

咁都無咁驚！放心晒！不過響檢查過程中就比d強光照到我盲咁滯。