“巧”妙安排的求婚

2013年1月8號響公司收到巧克力電話："Uncle，我想你幫我做d野呀！正確黎講係幫我收d野"

"你幾點放工呀？你幾點返到屋企呀？8點返唔返到呀？"

"到時會有人送野上屋企架，比晒錢喇，如果你收咗就放響廳啦！唔該晒！"

終放成功幫佢收到一札花，嘩！咁大札，以我經驗，唔數都知道99朵，個儍仔唔知做錯乜野事呢！梗係買黎認錯。咁大札花，就放響窗口邊張椅度啦，都唔會一入屋就見到。

3叔姐上完堂返黎，比佢一入屋就見到札花："做乜咁大札花呀？"
"唔知呀！巧克力搵人送黎架。"
"今日乜野日子呀？唔知攪乜呢？"

電話響起，Mon姐："你地倆個都響屋企牙，有無用緊廁所呀，巧克力同我返緊黎，不過佢話肚痛，要借廁所用！"
"OK，無人用廁所，上黎啦！"

Mon姐先入屋，巧克力隨後。Mon姐除鞋，一除完鞋就見到札花，問：
"做乜咁大札花呀？阿媽你插架？"
當我同3叔姐都唔知點回應嘅時候，倆人目光都望向巧克力，見到巧克力邊度有肚痛吖！佢響褲袋攞隻介子出黎，單膝脆低，舉起介子，佢話："Mon姐你嫁比我吖！"
.
.
Mon姐開心到咸咗出黎。

我估佢諗唔到個求婚黎得咁突然；咁有誠意；咁夠姜響佢父母面前求婚！