堂兄弟姊妹的聚會 @ Science Park 嘅 Ocean Blue

同一眾堂兄弟姊妹，由細玩到大，由我地阿嫲領軍嘅時代開始，到e家升呢升到有d自己做埋阿爺阿嫲，大家感情都好唔錯，唔錯到比較自己親兄弟更加玩得埋玩得密！

今次又相約聚餐，地點係 Science Park 嘅 Ocean Blue。6點半，自助餐，$198，唔使加一。食物質素，好一般，無野講，不過地處 Science Park，夠靜，傾計都容易d聽到！值得推介！

正門

正門出面，靜到人影都無一個，當時係8點幾

食到七、八成飽，出去影下夜景消化下先。右手邊燈火通明就係 Ocean Blue，如果唔係咁凍，坐出面應該超正！

其實 Science Park 都唔係靜得咁交關，睇番我地5點幾到達時，有人響大金球下面唱緊情歌，好得！我同3叔姐都忍唔住企定定欣賞到6點半至依依不舍咁去食野！

原來係情人節特備節目

靚女女歌手

亦係靚聲女歌手

- 完 -