壽司鬥平益晒我

第一次發現“爭鮮”係前年響坑口地鐵站上嘅商場，$3一件，10件都係$30，覺得好抵，而且質素唔差，係三文魚就切得薄d。（當時吉之島平均都要$4.90一件）

之後陸續見“爭鮮”開下一間開下又一間，到e家香港已經開咗40幾間！終於，鰂魚涌都有一間。

鰂魚涌果間未開張時真係有d期望：好咯，第日買壽司就方便喇！又平！到開咗張，人山人海，次次經過都見人龍！我諗：唔使急吖！來日方長。隔離嘅惠康都有壽司賣，而且惠康都被迫賣緊$3一件，咁就買住惠康壽司食住先。

今晚一個人食飯，又想食壽司，入到惠康，吓!!!!七點半都未夠，咁平？大大個牌寫住：“壽司$2一件”！

買咗兩合共20件返屋企一口氣食晒。

一個人食20件剛剛好咋！

款式都多吖

唔係幫佢賣廣告，質素OK，食材新鮮

無花無假，$20 x 2 = $40，聽日再食