南華贏大埔1-0

南華今日有新外援里奧出場, 所以唔入場睇唔得, 結果南華贏1-0, 里奧頭錘建功, 入得好靚, 砰一聲, 掛網, 兩個後衛夾實都比佢頂入,

佢仲全場追波, 無架子, 好笑容, 提隊友走位及追人.南華就是需要一個這樣的球員.

其實公司都係, 成Team人日做夜做, 死做爛做, 無突破, 依頭 daily job 未做好, 果頭又有新 project, 依頭答應要交乜交物, 果頭有人又話依單急果單急. 要做佢單先. 如果突然間有個新人加入, 有無經驗都好, 肯比意見, 當大家埋頭埋腦, 佢突然爆句 : 不如咁啦...........一潭死水, 比佢郁一郁都好.

之前上過 QIT (Quality Improvement Team) 堂, 亦在自己Team玩過一次Mini QIT, 效果唔錯, 都好想趁2010年, 新的開始, 玩一次 QIT, 成Team人, 一齊按步就班, 找問題, 找困難, 提意見, 想方法, 寫目標, 分工, 定期檢討.....無新人加入就唯有原班人馬, 自力更生, 爭爭氣氣.

亦都寄語南華, 目前人腳已經是全港最好了, 羅生未必肯再買外援, 肯亦未必話買就買到好野, 好自為之吧!