回鄉探親-難忘的菜心田和田箕路

3家姐住佛山要耕田，有阿公田同私家田兩種田。私家田好細，得兩格，但就種乜都得。上回提到的介蘭就係自己種，無農藥，所以可以即割即食。但都要做少少功夫，當知道我們回鄉後，就連續幾晚夜晚拿著電筒去捉蟲，就確保介蘭又甜又鮮又健康。

至於阿公田，有次回鄉經過見到黃海一片，好靚呀！乜黎呢？花？一支支到我心口咁高，好多葉，但係花仲多，有d似菜心，但係，菜心點會咁高？？？3家姐話：『係菜心黎架！種到咁高唔係食架，係攞種子』哈！又學多樣野。

當年回鄉除了行路就只有踩單車。d蝴蝶牌單車好難踩，車頭又重、又無波，好難控制，特別係踩田箕路時要好小心，因為田箕路中間高兩邊低，一唔小心就落田。我當然無跌過落田啦！仲有一次跟大隊踩單車去祖廟，出馬路都未驚過，不過3叔姐就唯有交托比老襟，坐佢車尾了。