3叔姐的3家姐在佛山，所以常有機會上佛山。
3家姐家門前有個屬於條村的魚塘，我每次回去都會出魚塘找“人字拖”的踪影。魚塘雖大，但不難見到一隻反轉人字拖浮在水面游來游去，我就知道有靚魚粥食了。其實，每次通知佛山我們幾時回去，3姐夫(即係我老襟)就去買定一條大鯇魚，用繩縛住一隻人字拖，然後放在魚塘養，到需要找魚時找到人字拖便可以。好聰明！魚塘內其實有好多魚，但那是阿公的，不能私取。
有次回佛山，剛入屋，因為經過舟車勞頓，同3叔姐先來洗手洗面，然後就直闖廚房。3家姐遞上介蘭一碟，說：『試下熟未？』，我同3叔姐就你一條我一條食清光，3家姐話：『吓！乜餓成咁！d菜我乜都無落，就咁灼熟咋！嗱，食埋 e d 咯，一陣落田再割過啦！』唔使兩個回合，又清晒，無油、無鹽，就咁滾水灼熟。直至現在，如果有人問我同3叔姐：『你地記憶中食過最美味既食物係乜野？』我們會一齊話：『果碟介蘭！』
沒有留言:
張貼留言