北角碼頭

飲完茶經過巴士站，有85號巴士到站，反正都想四圍行下，就上車去北角碼頭行下啦。

星期日嘅北角碼頭好優閒，狗公園放狗、外國人唱歌、釣魚、影相各式其式。

北角碼頭，令我想起一段緣：

話說當年3叔公同3叔姐拍拖，一個住東頭村一個住鰂魚涌，天各一方，相約去街都幾唔方便。

有一日，約好咗9點鐘響鰂魚涌某茶樓飲完茶，然後返3叔公屋企。3叔姐就要坐車去九龍城碼頭，坐船過北角，再坐巴士去鰂魚涌。3叔公9點就響酒樓門口等，點知時間過得好快，9點3，9點半，9點9都未到？敝！有無意外呢？定係約錯地方等呢？酒樓門口等？又好似3叔公要去碼頭接3叔姐喎！大家都出咗門口，點算呢？（e家有mobile就好啦。）

當3叔公開始無信心，唔知有乜意外，又唔知有無去錯地方，不如就飛車去北角碼頭；

去到碼頭，影都無，點算呢？

3叔公又開始懷疑好似係約咗響酒樓門口等，唔係喇，快d趕返酒樓先，見到有架82號巴士準備開（82號巴士總站響北角碼頭），想都唔想就衝上去，入完錢，行入去想搵位坐，點知見到3叔姐！