7位分開坐，坐唔坐?

今日同6個同事去大叻越南餐廳食lunch， 無位，要等，門口攞張7人飛，原來已經係第2張7人飛，有7個人已經等緊。

帶位員問我地兩批人：7個位一齊暫時無，如果分開坐坐唔坐? 我地問：點分呀？帶位員話：唔知架，有位就叫你！

我見既然一齊食飯梗係一齊坐啦! 所以婉拒咗帶位員嘅好意。不過另一批7個人就話：無問題。

5分鐘後，帶位員對果7個人話：樓上有兩個位，上兩個先啦！上咗兩個！果7個人仲有5個企響度！

5分鐘後，帶位員對果5個人話：樓下果邊有3個位，再入3個啦！入咗3個！果7個人仲有兩個企響度！

我地其中一個同事對帶位員講：我地等咗好耐，幾時有位呀？

帶位員話：(指下其他人)人地都等左好耐啦！

0分鐘內，我地走晒！