造恤衫

今日同舊老闆食完Lunch，知佢造咗3件恤衫有得攞，於是跟佢去攞。

我d恤衫著得好粗，一星期5日都要著，日日換，所以好容易污漕或者穿窿。平時都係買恤衫，貪平，$100有交易，不過多數都唔啱身，一係就打唔到呔，一係就闊，一係就袖長，次次都要勞煩3叔姐幫手改。

唔想麻煩3叔姐咁多啦，所以想造恤衫好耐，今次見到舊老闆造d衫手工唔錯，就造一件試下，$250，另加衫袖綉名$10，10日後有得攞。好嘅話再加碼。

度身結果好攪笑，原來我3圍係40、39、40，同事笑我：你都仲有1吋腰！其實e個係造恤衫嘅尺寸啫！