響街就見到有男士送咗花比女士之後一齊行，可惜札花咁重就由位女士一路揸住。點解男士唔有風度d揸番？定係女士一定要自己揸比人望下呢？
唔明白，花嘅身價點解會響2月14號突然暴升，15號嘅價值又打回原形，咪又係果札花？
睇新聞話今年租又貴花又貴，所以一束11支玫瑰要$900幾，唉！如果真係租又貴花又貴，你日日都賣$900幾啦！藉口！
好多結咗婚嘅男士都扮晒忙碌，又話開會又話加班，總之就唔返屋企食飯，靜雞雞同情人食！情人節嘛，梗係陪情人啦！
講真，我未試過情人節送花比3叔姐。有次試探下佢想唔想收，比佢話嘥錢，佢問我知唔知一札花可以買到幾多斤菜呀？結果我真係買咗斤菜比佢炒黎食。
今晚買咗個3叔姐飛佛嘅迷你芒果脆脆比佢歎下，唔通，又買斤菜咩！
沒有留言:
張貼留言