請part time

因為 headcount 所限，部門最近有全日及半日 part time 空缺各一。

全日 part time 已於農曆新年前上任，到今日剛好7整日，所有有份派利是嘅同事都有派利是比佢，包括放多兩日年假到今日先至開工嘅某 team head都有比。點知下奏收到 HR 通知，佢已經 through agent 辭職，聽日生效。某 team head 知道，直情想即刻問佢攞番封利是。至於辭職理由係“太多野記，唔適合佢！”

到請半日part time，in佢果陣佢態度誠懇，仲要求18號（即係今日）過埋年至開工，返下奏，一個星期做17個鐘。結果我等到佢兩點半唔見人就打比HR，HR話 agent 話佢搵到份長工，所以唔會黎做part time 喇！

無計，怪只怪公司鍊到員工盡，唔準請長工，請part time 又出手低，唉！