思園幼稚園

鰂魚涌金山樓要拆喇，響佢拆之前，3叔公要黎影番張相留念，因為當年3叔公讀果間幼稚園就響金山樓。幼稚園無咗好耐喇，現址e家係一間機舖。

講起思園幼稚園，童年3叔公有個笑話都幾好笑！話說有一日阿嫲接童年3叔公放學，阿嫲見童年3叔公行得好輕鬆，就問：『你今日做乜咁輕鬆呀？』，童年3叔公話：『係呀，頭先等接放學時我已經做晒功課喇！』。當兩個人再行多幾步，阿嫲話：『你個書包呢？』，童年3叔公：『係喎，唉喲！我唔記得攞書包呀！！！』

儍的嗎？放學唔記得攞書包!

金山樓，超過50年樓齡