行花展 - 終於行花展

花展由3月7日開始，我日日等個天幾時風和日麗、藍天白雲，結果，今日花展last day都等唔到，無法啦！都要入去行下啦。因為今日除咗影花，仲要教3叔姐用熟部Casio儍瓜機，雙重任務。

花展last day固之然人山人海，連相機都『機山機海』，差唔多人手一部，就算無相機都用手機影！

有位外籍傭工用部10吋平板加腳架同幾位同鄉影相，pro呀！

又有位女仕托住部Nikon加長炮等我個位，又望住我部SX50，唉！如果我仲係當年嘅血氣方剛，我實忍唔住即刻出番部…起碼都EOS5仔啦，同佢曬過！算啦！見佢其實已經托到手軟，唔同佢爭囉！

有D人都好無禮貌，我企響度對緊焦影緊相佢都可以走去我前面遮住，一唔係就撞我相機，sorry都無句！乜野人黎架？

今日真係唔好天，希望出年好啦！

D相，算啦！

乜野黎？

士多啤梨's 花

薰衣草

居然有棵櫻花樹，但係要向天影

已經無乜葉

粉紅色宮粉洋蹄甲

白色宮粉洋蹄甲

如果屋企有個天台......

如果屋企有個花園 ......

如果屋企門口有塊草地......

- 完 -