懷念鍾期榮校長

好E同Mon姐倆堂姐妹都係樹仁畢業，所以認識胡鴻烈校監同鍾期榮校長。倆位老人家嘅事蹟，無論電視、電台、報紙雜誌、網上......都搵到，我唔敢多講了，不過，有幾件事佢地真係做得好精彩，好似：

• 當年間間大學都3年制（連中大都4改3），樹仁堅持4年！e家全港大學都改晒4年！
• 佢地又寧願用自己錢辦學都唔要政府資助，堅決唔比政府主導辦學方向，好野！
• 唔好以為私校學費高昂，Mon姐當年學費只係$42,000，分兩期比，同政府資助嘅大學差唔多，仲平過好多幼稚園！
• 最後都好欣賞樹仁培養出大量出色傳媒人，並且成功申請由大專升格為大學，比番一個『大學生』身份比畢業生！

由心敬佩、讚美倆位如此精彩嘅老人家！特別懷念鍾校長！

Mon姐畢業禮時坐得好後影

當時唐唐係政務司司長