大家樂，唔值100分

天寒地凍梗係火鍋啦，16號晚放工約咗3叔姐落樓下大家樂先到先等，8點半到齊，見4款火鍋有3款已經賣晒，兼夾賣到9點，即刻排隊啦。

條人龍得6、7個人，但係企得好怪，都唔知邊個排緊邊個其實響度睇緊個大餐牌（其實連埋我得5個排緊）。

第一個買緊餐既人開明珠台，好辛苦手指指至成功買完；

第二個買兩個餐，一份買到一份賣晒，又要打電話入去問家人轉食乜，個收銀等佢；

第三、四個係兩公婆，成銀包都係coupon，左摷右摷邊張用得，到摷到一張係大家樂，又過左期。

期間有位女士攞住碟飯出黎問個收銀：“依碟乜野飯呀，我買U1喎！”收銀話：“依秩V1呀！奶話V1吖嘛！”個女士話：“我買U1呀！”....又重覆左幾次頭先d對話，終於同價，算數。

到我，“唔該兩國火鍋！” “可鍋賣晒！” “賣晒？你仲有一款未貼賣晒喎！”收銀拿起內線電話“喂！驚理牙，可鍋係咪賣晒呀？哦！”轉頭同我講：“可鍋賣晒！”

你話點忍呢？