"法院"打電話比我

上星期公司電話突然響起，無來電顯示，攞起一聽，係一個普通話錄音，唔知講乜，收線。

一分鐘後再響，咦！係咪大陸同事打o黎呢？又聽，都係果段錄音.......係乜乜法院打黎，九成打錯，收線。

又一分鐘後電話又響，乜野料呀？今次聽下講乜。個錄音話，e度係乜乜法院，你有張傳票，傳你上庭，e個係.......(聽聽下我條 second line 又響，咁我就 hold 住 line one 聽 line two，竟然又係果段錄音，相信係有人 set咗 auto dialer去專打一條線，打到你聽為止) 咁我就唔理 line one，轉聽 line two ，個錄音大致講：e家法院要傳你上庭，如果你唔清楚事件，請按9字，好！我就按9字。

有個普通話人話：e度xx法庭 (我咁多次都無辦法聽到乜野法院)

我話：（用普通話同佢死過）你為甚麼猛打我電話呀？

普通話人話：你先給我姓名，我幫你查一查是哪單案件。

我話：你打我電話為甚麼不知道我姓名呀？

普通話人話：案件太多，先給我姓名，我幫你查一查是哪單案件。

我話：我這裡是電話公司，有甚麼案件要你查呀？

跟住“卜”一聲，收咗線，無再打o黎喇！

事後同同事分析，覺得係電話騙案居多。