陳蠢記

今日一行4同事去皇后街市陳春記lunch，遇到極無禮貌既招呼，難得我EQ高，起身，同同行3位同事講：咁無禮貌我唔響度食喇，我走，你地走唔走呢？難得佢地一齊起身，走！實要響度食牙？

好痛快！

有幾無禮貌呢？

有個4眼女人埋黎，揸住紙筆問我地食乜，同事T因為一坐低有個年長女人已經埋黎問食乜，同事T已經同佢講，所以話：我落咗單喇，你3個講啦！

4眼女人話：再講過啦！

同事T：我要朱紅朱什米線。

同事B：我要朱什河。

我（我見Menu單拼$16雙拼$20）：一碗雲吞河一碗魚片河，單拼$16丫嘛！

4眼女人話：無$16喇，$20起！

我心諗，又加價：咁要一碗雲吞麵得喇。

4眼女人話：4個人要叫4碗呀！

我地仲有一個未叫喎，你使唔使咁晦氣呀。於是同同事講：咁無禮貌我唔響度食喇，我走，你地走唔走呢？

當我地4個一齊起身人時，個4眼女人都有d諤然。

哈！原名陳春記，已經比我改為陳蠢記喇！以後都唔幫襯！