結婚相(2) 唔使留餸比我

影結婚相擺酒時我都有得食，唔使做人情，又有錢，好棧。通常我會坐兄弟姊妹席，因為經過一日接觸已經有d好熟落，加上我有心攪好d關系，下次到佢地結婚，唔使講，影相又搵我。

記得有次無咁好彩，要同班老人家坐，好彩坐我隔離個婆婆都好客氣，有傾有講，見我行開行埋影相無啖好食，就幫我挾哂 d 野響碗，又唔比伙計收，等我幾時返埋位都有得食，我滿懷感激，專心影相。點知有次見到伙計上鮑魚仔，就順眼望下我果圍，阿婆又幫我留番隻，但係，用佢對筷子夾架！！！有無攪錯呀。原來事後更加証實，所有餸都係用佢對筷子夾架。我可以點？依個教訓令我以後都加倍小心自己隻碗，寧願唔食都唔敢搏。