『珍珠婚』介子

1983年結婚，今年2013年，30年喇！

結婚30年叫做『珍珠婚』，雖然12月至係正月，不過趁出咗獎金，所以買定紀念介子，刻埋字，準備年尾好好慶祝一番。

粒珠影相好似好大粒，其實唔大，襯上3叔姐隻手剛剛好。Sales話係大溪地珠，我地都唔識乜野珠最好，靚就OK！



刻咗"SL30"






放隻介子響牛仔褲上面影相，係因為3叔公響牛仔褲廠做暑期工時認識3叔姐！



out focus 都幾靚!

新2奶試機 - 一輪明月

連日春雨綿綿，好耐無見今日咁好天。今晚放工更竟然見到一輪明月，所以一入屋飯都唔食住，攞阿新2奶出黎影相。

之前用SX10已經影過個月亮，今次用SX50影，加埋數碼放大，簡直好似天文望遠鏡咁。

d相都係實報實銷，無電腦加工，無裁過。





sharp 到連月亮表面凹凸陰影位都見到

 

 

小牛與小嵐@林邊屋

好耐無見小牛小嵐兩個小朋友（對上一次係過年），今日特別約去林邊屋。

如果唔係日日見住，感覺小朋友真係大得好快。林邊屋話遠唔遠，由山腳一路上山都要兩三個字，佢兩個大部份時間都係自己行。

今次都有帶新相機影相，不過覺得好唔就手，係d小朋友走得快吖？定係我反應慢呢？好難對焦。

等我習慣番用觀景器對焦再同兩個影過！

新2奶試機 - 坑口文曲里公園及將軍澳運動場

今日南華對傑志，聯賽，響將軍澳踢，開5點半。場波好重要，因為輸贏會影響聯賽冠軍位置，所以兩點鐘就出發，早d去球場買定飛，順便利用空餘時間試下個新2奶 - Canon PowerShot SX50。

新2奶，可以用愛不釋手去形容，因為佢比我用開嘅 Pro-1 , SX5或者 SX10都正好多，zoom wide 咗遠咗、對焦快咗、部機細部輕咗、高清慢鏡樣樣齊.......

你話果幾部舊機點算呢？仲有部Casio!

唔使擔心，影得最靚始終係Pro-1，因為紅圈鏡、最方便話影就影係SX10，因為用筆心電、Casio夠細，加埋3舊電，去旅行點影都得、最煩係部SX5.....長期放咗響公司！

講番試機 :

24mm


50mm


100mm


600mm


1200mm (longest zoom)


2400mm（數碼放大）


4800mm（數碼放大）


其他 :
































正！

法$韓到訪

多得大小姐揍法$韓上我屋企食飯，所以兩父女夠鐘就走人，趕返屋企見e位貴賓。

轉下眼法$韓又就快3歲，今次見佢明顯比舊年9月時高咗好多。雖然大半年無見，佢仲認得我地，同我地食飯、玩、影相，都算friend。













































走喇！有d依依不捨！