獎勵自己

今日送咗一件衫比自己，一件Timberland外套，Timberland? 又係Timberland? 係呀！鍾意就得啦。不過今次係自己買，唔係有人送啫！



我係Timberland擁躉黎架！

下面係d e家仲著緊用緊嘅衫同袋。












記得有一次買一對Timberland鞋好好笑：

話說1995年由LV去SF，途經Timberland Outlet，就入去行下，主要想買對鞋，因為著緊果對鞋爛得好緊要。當時氣溫攝氏40度，勁熱勁曬，一落車即刻換番副Ray Ban，一路帶住副Ray Ban睇鞋都無除低，個Outlet好大，要試鞋要自己攞無人理你。咁我響d鞋合度自己執齊『一對鞋』著過fit晒之後放番入合，就出去比錢。

我仲記得US$52，比香港買平20%度。比完錢響門口換咗對爛鞋就即刻上番車，因為實在太熱。點知當晚去到三藩市酒店房除鞋先至發現對鞋左右唔同色。