退休生活plan

星期日同3叔姐行街市，突然心血來潮，打算退休後可以做.........

講講e家份工先。第1份工做到e家，3番4次差d無得做，亦都兩次3番唔想做。

3番4次無得做唔係講笑，一次肥雞餐，補9個月(實質6個月，因為我要3個月通知，6+3=9)，一次乳鴿餐補6個月，一次over 20年都有信收，唔記得補幾多個月，兩次炒人，即捕即解。是但一次都 buy 左拜。

兩次3番唔想做，第一次cut年尾雙糧，剛巧有friend有兩間沖曬店想頂一間比我，30萬連租約同沖曬機(菲林機)；第二次集體減人工，剛巧發現7 11搵人加盟，50 - 70萬加盟費包5年，地點由我揀，租金、燈油火爉一人一半，伙記人工我出，一定要同佢攞貨，收入全部歸我....

e家回頭望番，沖曬店式微，7仔k仔隨街都係。計下計下，都係打工好。5天工作，17日公眾假期，18日大假，實質返兩日工就放一日假，有醫療，免電話費，有 allowrence，有得去旅行，加番左一次人工..... 先排3叔姐隻腳做手術claim足都唔使比錢，起碼唔使3叔姐做野先啦！

所以今次心血來潮，都係打算退休後先至做。做乜呢？就係響街市賣牙菜仔豆卜豆付喇！再賣d其他關連食物(例如未煮的粉麵、魚蛋魚片牛丸、大豆芽、....) why？因為可以過日神啦、乾淨、唔使殺生、無乜重野搬來搬去、唔使去入貨(送貨到街市)、唔會壓貨(因為入貨唔使多，賣哂就算)、實有人買、投資唔大(一個大雪櫃就夠)、無乜生意可以上網寫BLOG...............每年七月十四仲特別好生意添。

講真架！

見識日式夜總會

咁大個人都未出去滾過，連夜總會都未入過。不過有晚當rota，竟然有間灣仔夜總會嘅 keyline系統有科佬。好似係???，已經唔記得個名。

可能仲早啦，5點幾，入到去，有人吸緊塵，有人裝飾緊，有人練緊歌，有人返工，返工d女士都後生架，著得比普通好d，但唔係中環look....

可能好耐無搵過人整套機，套機都好多問題，有個寫字樓女人叫我慢慢做，唔使急，幫佢地check哂d分機，不過，7點半要收工，因為佢地要開工......

差唔多7點，有人試燈光，練緊歌d人唱得越尼越好，有伙計陸逐standby喇，d小姐又陸逐換好衫出尼喇，嘩，正好多喎，清一式高叉祺袍，個叉高到差唔多到加拿大，yeeee？點解咁高叉都見唔到底底邊？好多疑問。

7點半之前整好走人，已經有客入喇。忍唔住想睇睇出去滾d人係點既。所以企響門口對面等。等咗幾個字，有人出黎，中年人，拖住個小姐，個小姐已經變左身，著番casual look，牛仔褲高踭鞋，靚女，除非親眼見，否則，外表只係當佢地拍拖，唔似滾！

結婚相(8) Professional 的要求

影相叻唔代表影結婚相叻，影相靚亦唔代表影結婚相靚，如果唔識影結婚相，講真，唔好接，因為影得唔好，無得救。初初接影結婚相時好驚，怕影衰，至到最後，經驗豐富了，都仲會驚，始終，影衰咗，會好對人唔住。

有d心得好想寫低：

• 衣著不能太隨便，短袖T裇一定唔著得
• 影哂成個過程，有影多無影漏
• 永遠行新郎新娘前面或者對面
• 註冊處內的程序千篇一律，所以唔可以唔記得點走位：親友先入場，新人先至入，幫手擺好介子同花束，註冊官出現，讀宣言，戴介子，揭頭紗，咀一啖，新郎新娘簽名，証婚人簽名，打印落結婚証書，恭喜乜生乜太，拍手掌，禮成，影相
• 婚紗外影就係唯一發揮攝影技巧的時候，我影得最多係香港公園、中大、大會堂、淺水灣 ......如果我知有外影，通常會準備風扇仔，坐地膠枱布，一塊布(酒樓果塊)，softer....等必須品。所以個相機袋好重
• 禮堂相四四正正，四平八穩，唔使影花巧野，盡量用乜乜聯婚做背景，等人睇相時一睇就記得響邊度影，e家有mc幫手安排影相程序，以前，主人家一定要趁早影先，否則d客尼要招呼人就好難集合
• 斟茶相要少少前後坐或者企，就唔會遮住
• 要執位，唔好隨便企埋位就影；特別係大堆頭相更加唔可以客氣，邊個坐邊個企，左右要平衡，影時要比signal，叫人笑，影多幾張
• 逐圍敬完酒緊記返埋位新郎新娘都要影互相敬酒相，同父母影，同襯家影
• 同video要夾，同一方向影，霸靚位影唔好禮讓，video唔會同你爭
• 把口要好，講好意頭同吉利說話

唔寫喇，太多喇，出本書都可能寫唔哂。

結婚相(7) 玩新娘

唔知點解e家唔興玩新娘，e家興天才表演，例如新郎新娘唱歌、跳舞、玩樂器....

以前差唔多每次都玩，e家睇番，好過時喇：

• 傳冰，一粒冰由新郎傳比新娘，又由新娘傳番比新郎，用口；
• 傳雞蛋，比隻生雞蛋新娘要佢由新郎右邊褲腳上，經過褲浪，由左邊褲腳落，看的人都想新娘弄爆隻蛋，咁佢老公就一褲都係；
• 將十幾隻釦針釦在新娘身上唔同位置，蒙住新郎對眼，要佢用手摸哂出尼；
• 借件酒樓(或酒店)制服比新郎著住，藏於賓客中，要新娘用眼搵出尼；
• 蒙住新娘眼，叫幾個兄弟陪新郎排排坐比新娘摸"下扒"睇下估唔估到邊個係老公；
• 搵隻大碟加三隻碗仔分別蓋住雞頭、雞胸、雞尾，等新郎揭到邊度就要錫新娘邊度；
• 射龍門，叫新娘坐低張開腳，比個橙新郎哥要佢射入兩隻腳中間；
• 敲碟，縛隻匙更響新郎腰間近拉鍊，縛隻碟響新娘肚腩落d，要新郎用腰力令到隻匙更敲落隻碟度有聲為止(個動作都幾3級)

唔講喇，實在太out喇。

最後講多個，記得有次個新郎哥奀奀瘦瘦，玩遊戲輸左，要罰抱起老婆繞場一周，但佢老婆頗健碩，抱極抱唔起，出哂飲奶力，但抱起數次都放棄。終於佢老婆忍唔住，抱起新郎哥行個大圈至返尼。

全民監察樹木

e棵樹，生響上環永樂街145號2樓，無盆、無泥，全靠樹根抓住大廈外牆，居然越生越大棵。本來想放長雙眼睇下佢可以大到幾大，但始終覺得危險，結果都係通知咗明報。

結婚相(6) 價目表

我當年淨影結婚相收：

同事、教會弟兄姊妹$500；介紹或之前遇過的兄弟團姊妹團$800, 其他$1,000；淨影擺酒或接新娘註冊叫半日，收$600；教堂、同日婚紗外影加$200；自己親朋戚友唔收。菲林曬相加10%。

貴嗎？

結婚相(5) 特別婚禮

影結婚相事前知道個 rundown好緊要，特別係影教堂。教堂行禮一般有採排，切記出席，因為每間教堂都有禁地，通常個台唔上得，有d嚴到凡紅地毯都唔比踩 (唔比影相佬踩)，有次影堅道總堂，除咗戴介指揭頭紗之外，大部份時間都要用支300影。

有d儀式都好特別，例如神道教，接新娘返到女家，乜都唔做，打開個神櫃，跪哂響度唸完經先。

又影過水上人結婚，一架大蝦艇去接新娘，認真豪。夜晚擺酒響珍寶海鮮舫，菜式同出面酒樓差唔多，但係條魚就好特別，圍圍唔同款，唔同大細，仲有圍一條大d，有圍兩條細d，主家席兩條就最正，應該係立魚，瞓響度都4,5吋厚。原來水上人通常自來魚，網到乜食乜，總之唔食養嘅。

試過響圍村擺酒，到會，八張大枱，分頭圍尾圍，個新郎新娘反而有得坐低食，因為黎飲班友仔志在隊酒，理得你邊個結婚，好唔鍾意影相。食食下最驚就係突然燒串炮仗，無事先張揚，但係班村民無個驚。我見有隻狗都氣定神閒，若無其事？串炮仗好長喎！新娘話隻狗一早已經聾咗。

結婚相(4) 新娘化妝

好欣賞化妝小姐，同新娘化妝，一早一晚，整埋頭髮，除非好豬扒，否則，一般都靚，而且上鏡。

記得有一次交相，約咗新郎哥響地鐵交收，去到，一眼就認出，但唔見新娘，但有位女士在旁。交待清楚d相錢點計，d菲林編號點睇，收埋錢，佢兩個就即刻睇相，個女士一路睇一路笑，突然同我講：師父你影得我好靚呀！吓？你係新娘？

估唔到新娘落咗妝，放番一頭長髮，我兜口兜面都唔認得。

結婚相(3) 飲醉

影結婚相擺酒時最憎人"隊酒"，有d人做幾百蚊人情，飲完拔蘭地又飲紅酒，借頭借路，你敬我我敬你，又成日扮講錯野，跟住就話：我自隊3杯....其實呃酒飲。

飲咗酒，語無倫次，嘔、鬧交，乜野儀態都無，

記得有一次影埋送客，返架步執野準備收工 (架步通常響龍鳳大禮堂個褔祿壽枱底下)，點知發現主家席枱底有隻腳，即刻睇下，原來有個兄弟，之前四圍隊酒，e家醉咗瞓咗響枱底都無人知。抵你吖，一邊幸災樂禍，一邊話比主人家知睇下佢。

忙碌的一天(2) - 孖侄仔家

孖侄仔家



望到青馬大橋


對面深井村


獲獎無數

溫書的地方

忙碌的一天 (1) - 愉城探小牛

今日行程滿滿的，大埔探親茶聚，跟住愉城探小牛，最後深井探孖侄仔，剛巧睇埋孖侄仔姨媽的新屋。

結婚相(2) 唔使留餸比我

影結婚相擺酒時我都有得食，唔使做人情，又有錢，好棧。通常我會坐兄弟姊妹席，因為經過一日接觸已經有d好熟落，加上我有心攪好d關系，下次到佢地結婚，唔使講，影相又搵我。

記得有次無咁好彩，要同班老人家坐，好彩坐我隔離個婆婆都好客氣，有傾有講，見我行開行埋影相無啖好食，就幫我挾哂 d 野響碗，又唔比伙計收，等我幾時返埋位都有得食，我滿懷感激，專心影相。點知有次見到伙計上鮑魚仔，就順眼望下我果圍，阿婆又幫我留番隻，但係，用佢對筷子夾架！！！有無攪錯呀。原來事後更加証實，所有餸都係用佢對筷子夾架。我可以點？依個教訓令我以後都加倍小心自己隻碗，寧願唔食都唔敢搏。

結婚相(1) 14年

收錢影結婚相足足影咗14年，38歲退休，唔影喇！見好就收。好？梗條啦，因為14年來未逢失手。點先至算失手？是但有一筒菲林影咗曬唔出無貨交就叫失手囉！加上腰痛，唔退休唔得。好記得最後一單響荃灣影完相走人，$180的士返鰂魚涌，太攰喇，返到屋企，放低個袋，入面有兩部機、3支鏡、兩支機頂燈、10幾筒菲林、24粒叉電，廿幾磅重......一邊沖涼一邊吹住口哨，38歲盛年退休 (其實係影收錢結婚相退休啫，之後仲有影d無錢相架.......)

其實每次答應咗一單job之後開始，直至影相當日，總係要小小心心，唔可以有差錯，例如屈到腳之類，唔可以病，唔可以有意外，例如壞相機.....

影相當日更加步步為營，唔好差錯腳，唔好講錯野，唔好唔check相機就影，唔好叉唔夠電等等等等。往日唔同今時，往日影咗相無得即刻睇架。有時影完燒豬回門又未夠時間去酒樓，可以有個零鐘break，唔好四圍去呀，去酒樓附近d美心或者大家樂飲杯咖啡，好好休息....

待續.....

正是愛音樂會

3叔姐捧阿Sir場，加上係為奧比斯眼科籌款，所以剛剛睇了一場"正是愛"音樂會。音樂會在上環文娛中心舉行，因為全部演唱者都係業餘人士，加上有盲人演唱，所以無乜好講。

但係，坐我地後面果三個女人就要講：

• 遲到，要人電筒帶入尼，仲大大聲話比人知"我以為開8點"
• 未停過傾計，我擰轉頭啤住佢地，佢話之你
• 食糖，食糖本來無事，但係果合鐵合糖，傳來傳去有聲就有事
• 講電話，雖然一次，都唔得！
• 搽白花油，我頂..........................唔順喇，同3叔姐走。

果張枱曬呀!

今日早 d lunch，去喜悅飲茶，好多吉位可以揀，3個人，見到張窗口四方枱就想坐落去，有位女侍應叫住我地 : "果張枱曬呀！", 我地話 : "唔曬喎!", 佢話 : "曬呀! 坐第張啦!", 當時12:15pm, 出面的確陽光猛烈，唔通一陣會曬到張枱? 點知我見佢手指指張大d既圓枱叫我地坐果張, 我突然彷然大晤，原來佢話張枱細呀！

消暑去濕水

每年e個時候，3叔姐都會煲d消暑去濕水比家人飲，既好味，又消暑。一邊飲心中一邊感激3叔姐咁識做。

磁石通告

如果朝早返工發現雪櫃門貼了一塊磁石通告：



即係話：

中一派位放榜 - 孖侄仔終於得到林護中學收留

孖侄仔終於得到林護中學收留，恭喜哂。睇尼佢依餐深井燒鵝走唔甩了。

4歲時攝於太古城海邊


孖侄仔有個舒適的家及讀書環境

1993年11月4日華航班機在啟德機場著陸時衝出跑道落海

當年Office在太古城CityPlaza3 時又見到一架華航響啟德機場剛剛落水，但我當時無相機在手，影唔到，就算有相機都影唔到，因為得28-80.

1993年11月4日：華航CI605班機，機型波音747-400，在香港啟德機場著陸時衝出跑道落海，23人受傷。

直升機出事直擊報導 - 12:07pm

剛剛站在公司窗前見到一架往澳門的直升機出事 :

睇住直升機由信德起飛, 已經離海面有100m, 有野開始從直升機飛落海, 其中一件相當大(應該係機尾鏍旋槳), 直升機仍繼續上升幾秒, 然後開始慢慢急速下降, 幸運的是剛好下面繁忙的水道無船，而直升機又能安全降落海面, 立即有氣袋脹開, 有人跳落海了, 我才拿出相機.

剛剛降落


有人落水


應該穿上救生衣了


大約有8, 9個人游了出來, 有柏麗灣船經過


有船經過救人




開始下沉


又有愉景灣船過依個海面真係好忙




仲有人最後游出應該係機師


水警到










好明顯機尾鏍旋槳不見了


事後個直升機場暫停服務

後記：

當日東方日報 & 明報響我個blog搵到d相，得我同意，放d相響第日A1頭條添！

仲有3叔公的訪問

高速發射死雞機

話說波音公司因為盲中中的雀鳥飛撞飛機的玻璃同引擎導致意外，特別發明了一部高速發射死雞機，模擬飛鳥高速撞埋尼，藉以試驗同改善玻璃、引擎的質素，似乎效果唔錯。

德國的保時捷工程師知道便向波音公司訂購該高速發射死雞機，希望用以測試擋風玻璃的質量，因為在路上風馳電掣時遇到任何飛來的物體撞上擋風玻璃都好危險。

但想不到第一次測試就將架保時捷的玻璃撞穿，甚至死雞連司機座位都撞到凹陷。工程師立刻電郵波音公司問原因及解決方法，波音只傳回幾個字...

.

請先將死雞解凍

香港歷史博物館

中午大廚載去熾哥間龍皇總店飲茶



然後去香港歷史博物館 (Agnes 介紹)，無帶相機，得部手電，所以d相唔夠光。


見到同自己有關的古董


同3叔姐有關的古董


細路仔時玩的拍公仔紙



4點行到6點半，坐車返東匯食擔擔麵，一日節目完畢。

大脾托盤

大表姐送的

正面，好似普通托盤


背後係一袋雪豆


剛好放上 notebook


再放在大脾上，隔熱、唔跣......