太古

香港故事 ------『太古』終於播出，睇完之後引起好多回憶。
3歲未夠就搬入太古宿舍嘅太興樓住；出出入入都經過太古汽水廠；小學響太古漢文學校讀；老豆響太古糖廠做；姑丈響太古船塢做；識得朋友住太古城；e 家公司總部響太古坊……

個節目真係值得睇，既多資料，又多舊相舊片。當日被訪問，差唔多半個鐘，東講下西講下，e 家出街十幾秒，差唔多喇。因為個樣執都無執就話錄影，麻麻地，唔好嚇親人！

邊位唔介意想睇就睇下啦。

http://app3.rthk.hk/special/hkstories2011/mystories.php?eid=31&vid=114

超大霧參觀赤柱衛星地面站

終於有機會參觀赤柱衛星地面站，不過今日超大霧，正如Dom Shum形容：好似人間仙境。

活動由儲社安排，限帶家屬一位，每人$30，包旅遊巴，一樽水，同埋有儲社董事孔先生作嚮導，帶我地穿梭衛星地面站，介紹站內日常運作、衛星同地面站的發展歷史、操作原理、電視節目信號如何經衛星廣播、每隻鍋(天線)的功用和來歷等等。





入赤柱衛星地面站要經駐港解放軍軍營，所以去到門口都要落車，放低身份證（回程先至可以攞番），查袋，過金屬檢查機……仲嚴過過關。所以響軍營內都唔敢影相，除咗E兩張：





到達後第一站：室內講解

成個衛星地面站有27條天線（或俗稱“鑊”），對正距離地面36,000公里上嘅同步衛星，主要作電視廣播。天線可以有0.05度嘅差距，既可發射，又可接收。由A地天線發現訊息到衛星再到B地接收時差僅一秒。

先睇模型

第二站：戶外參觀














 

香港一號天線的背面


D霧突然走開一陣，即刻影『香港一號』全貌，香港一號，全長30M

咁近距離抬頭望住個大鑊都幾震撼，佢仲有D變形金剛feel。

E支都係直徑30M，我地仲可以入去機房參觀：





















第三站：參觀控制室









大開眼界！ Bye bye!

滅口佈局 Save House - 55分

『滅口佈局』，廣告一出就比佢個火爆場面吸引，於是趁今日開畫，早睇早著。

可惜，咁大制作，劇本真係好把鬼，好彩其他都OK，例如丹素華盛頓嘅演技、南非嘅貧民區、澎澎聲嘅音響，同埋 Save House 嘅 idea，如果真有 Save House 咁都幾大開眼界。

1997年學影室內燈光人像相

翻開舊相簿，見到好多回憶，又興起寫番『影相佬回憶錄』嘅興趣。

之後會寫多D相片故事，不過今次寫『室內燈光人像相』。

當影普通相已經難唔到我嘅時候，我開始學影室內燈光人像相。

導師 - 蘇大勇 Steve So（最左）同同學仔合照


必備工具 : 

測光表

 

 背景紙

 

 火牛

閃燈

 

腳架

 

頂天立地

大soft box

and 遮

model 都由導師搵，無人工，不過我地曬咗相都要比番佢地。d model 質素唔錯架！




model 嘅衣飾都唔求其架，對鞋立立靚



瞓身拍攝

e個 setting 叫世界光，無眼袋無下爬影，包靚


e個 setting 用通花紙做 d 陰影


有一堂影泳衣




其他 setting



以前用菲林機，影咗要曬出黎至知靚唔靚，不過 e家 digital 真係超方便，即影即有，唔靚影到靚，甚至連測光表都可以唔使。

學完好有成功感，除咗識用各種工具、反光板之外，對構圖，或者頂光、背光相都多咗心得。