2015 花展

忍心唔陪孫孫，走咗去花展，因為睇天文台7日天氣預告，得今日好天。

可能因為好天、星期六、第二日…咁多誘因，花展超多人，多人到有d展品我都費事埋去睇。加上超多『大炮』，唉，你地影埋佢。我就專攪人少少，多d時間對焦，多d時間搵背景。

我最鍾意e d 菊花，佢顏色鮮豔、隨風飄逸…靚

e d 係菜心嘅花

日本紅葉

鬱金香…好多人、好多腳架

其他

- 行咗兩個半鐘 - 

孫孫滿月

出世時一個小粉團咁，由朝瞓到晚，孫孫今日滿月喇！

影番幅相先

雖然有得睇無得食，望下都好吖

比封利是孫孫先

祝孫孫身體健康、聰明伶俐！

3月12日, 37年

3月12日，除咗係孫孫滿月之外，仲係我響公司第37年嘅最後一日。

除咗一d相識多年嘅「老同事」或者一d比較親近嘅同事之外，其他人都感覺愕然。
「你咁後生做咗外公？」
「你響公司做咗三十幾年？」
「你仲有幾年退休呀？」
「你係好似無以前咁多頭髮喇！」

老實講，工作咁多年，以往都無，但係今年有：

• 以往放工無想過早d走；今年會，想早d返去睇孫孫
• 以往做一個job好專注、無分心；e家個Whatsapp一響，就想睇下會唔會係3叔姐send孫孫相出黎

聽日開始第38年，放日假先！順便送老健機。

孫孫的手手

BB手好得意，當佢捉住野，就會捉住。所以，大人都鍾意比隻手指佢捉住。

孫孫仲未滿月，e家隻手仲好細，d指甲又薄又軟，不過長得好快。

E幅相出世第二日影，因為要嚮特別病房觀察，Mon姐要由8樓落6樓探佢。見到孫孫睡在箱內，有暖氣，無衫著，Mon姐摸下佢，點下佢隻手，比佢捉住！母女嘅連繫就由一條臍帶，轉為兩隻手指！媽媽嘅安全感，就經手指，傳比女兒，好奇妙！

出世第23日 

同時捉住婆婆同媽媽隻手

孫孫的腳腳

孫孫，同公公比較邊個隻腳大呢！哈！你隻腳都未滿月，我隻已經超過600個月，梗係我大啦！

不過，我覺得 ......你對腳好可愛囉 ......咬啖得唔得呀？