Mon姐婚禮的snapshot

最近的起心肝將Mon姐結婚d相晒出黎放入相簿，大致完成，遲d晒埋大相就算大功告成。

3叔姐話始終鍾意睇相多過睇電腦！

d相大部份由專業攝影師影，我收相時都由心底叫咗一聲：pro！當然，如果我有咁嘅架生，相信我唔會影得比佢地差！

（以下d相唔係我影架）

Mon姐的婚禮

我地希望 Mon 姐同巧克力有一個既充滿回憶又感人嘅婚禮，所以，所有繁文縟節嘅程序都唔使，例如3朝回門，免喇！跪低斟茶，唔好 (不過佢地都唔同意，斟茶比父母都有跪) 。

所以，整日時間安排都好鬆動。

(大會相要3個月至有，所以e家嘅相都係其他親友影嘅)

Reception

March-in

『我地襯唔襯呀？』

比spot light射住，睇唔得好清楚四周人物同景物

特首証婚?

3叔公準備簽名

this table 來自佛山！

女主家席

新人致詞

3叔公 and 3叔姐都認真地聽下佢兩個嘅情深說話

響送花比外母嘅環節，3叔姐終於.....

母女雙擁，感動落淚！

3叔公同事

Victoria Kindergarten Friend Club 

整個“Mon 姐的婚禮”，之前已經講過得到好多人嘅幫手，好多謝佢地，我唔長氣講完又講喇，反而想講下一d花絮:

• 接完新娘開始斟茶時間，原本安排咗姊妹 F 扮演大衿姐幫手捧茶，姊妹 F 發覺條姊妹裙頗低胸，驚事業線上鏡......，姊妹 W 自告奮勇，話：『等我黎！我無................................走光！』。
• 未婚男親友 B 響席間見到靚姊妹 J，同 Mon 姐講想問姊妹J攞電話。Mon 姐話：佢結咗婚喇！男親友 B：^o^
• March-in 時有5個花仔花女帶頭，其中3個行得頗快，好快已經響視線之外。而小牛小兔行得較慢，我起碼踼咗小牛腳跟兩次.....終於，我同 Mon 姐連彎都唔記得轉，直行到台前將 Mon 姐交咗比巧克力！
• 敬酒時小牛好興奮，舉起酒杯，大聲對住3叔姐嘅三家姐叫：我要同3叔姐飲！我要同3叔姐飲！哈哈！佢飲大咗，認錯人！
• 姊妹 S 聽 Mon 姐致詞時一度感觸落淚，旁邊兄弟 F 似乎早有準備，唔知幾時已經準備好紙巾，輕描淡寫遞上
  
• 睇番上面幅相，原來姊妹 J 一早已經....熱淚盈眶
• .
• .
• .
• 應該仲有，諗到再加！

接新娘

雖然一早已經計好接新娘時有幾多人，雖然一早已經連門口走廊都放埋櫈，不過一旦黎到入埋屋之後，間屋真係“迫到爆！”   -   32人！

接新娘不嬲都係姊妹對新郎哥同兄弟嘅挑戰，目的係考驗新郎哥嘅誠意、新郎哥對新娘有幾咁深愛、幾咁了解、幾咁願意犧牲、兄弟對新郎哥嘅維護、兄弟之間嘅手足之情......等等等等。

我見到姊妹今次準備嘅考驗都有深度同創意：

• 天橋行 cat walk，考馴服 (因為Mon姐睡房對落有條鮮有人行嘅天橋，響果度行 cat walk可以睇得一清二楚)
• 戴假髮著孖煙通，考面皮
• 做瑜珈動作 + 巧克力唱歌，考體力+歌喉
• 寫Mon姐優點，考....比Mon姐收藏！

巧克力過完關，奉上開門利是之後，就到咗我帶個女出黎交比巧克力嘅時候喇！

真係有d唔舍得添：『嗱！交個女比你，你要好好錫佢呀.......』

個個都讚個鮮花頭飾靚

Mon姐同佢住咗15年嘅房

Auntie 莎莉都要練習下喇！

4吋

攝影師話要影張全身

Auntie們自製的食物

Auntie們自製的食物

Auntie們自製的食物

原來係三文治，一舊都食晒 :(

Auntie們自製的食物

仲未開始已經成屋人

各位姊妹，準備作戰

黎喇！

Cat Walk 開始

Chocolate 施展渾身解數

為搏Mon姐一笑

兄弟們都無揸流灘

最後一關，My Wife is ... 

收到開門利是喇！好厚好重呀！

入得未呀？

被圍觀

新娘出黎喇

『嗱！交個女..........』

『老婆大人........』

出門喇！

衷心祝福您地：『相親相愛，永結同心！』

Chok!