今日一行4同事去皇后街市陳春記lunch，遇到極無禮貌既招呼，難得我EQ高，起身，同同行3位同事講：咁無禮貌我唔響度食喇，我走，你地走唔走呢？難得佢地一齊起身，走！實要響度食牙？
好痛快！
有幾無禮貌呢？
有個4眼女人埋黎，揸住紙筆問我地食乜，同事T因為一坐低有個年長女人已經埋黎問食乜，同事T已經同佢講，所以話：我落咗單喇，你3個講啦！
4眼女人話：再講過啦！
同事T：我要朱紅朱什米線。
同事B：我要朱什河。
我（我見Menu單拼$16雙拼$20）：一碗雲吞河一碗魚片河，單拼$16丫嘛！
4眼女人話：無$16喇，$20起！
我心諗，又加價：咁要一碗雲吞麵得喇。
4眼女人話：4個人要叫4碗呀！
我地仲有一個未叫喎，你使唔使咁晦氣呀。於是同同事講：咁無禮貌我唔響度食喇，我走，你地走唔走呢？
當我地4個一齊起身人時，個4眼女人都有d諤然。
哈！原名陳春記，已經比我改為陳蠢記喇！以後都唔幫襯！
上星期公司電話突然響起，無來電顯示，攞起一聽，係一個普通話錄音，唔知講乜，收線。
一分鐘後再響，咦！係咪大陸同事打o黎呢？又聽，都係果段錄音.......係乜乜法院打黎，九成打錯，收線。
又一分鐘後電話又響，乜野料呀？今次聽下講乜。個錄音話，e度係乜乜法院，你有張傳票，傳你上庭，e個係.......(聽聽下我條 second line 又響，咁我就 hold 住 line one 聽 line two，竟然又係果段錄音，相信係有人 set咗 auto dialer去專打一條線，打到你聽為止) 咁我就唔理 line one，轉聽 line two ，個錄音大致講：e家法院要傳你上庭，如果你唔清楚事件，請按9字，好！我就按9字。
有個普通話人話：e度xx法庭 (我咁多次都無辦法聽到乜野法院)
我話：（用普通話同佢死過）你為甚麼猛打我電話呀？
普通話人話：你先給我姓名，我幫你查一查是哪單案件。
我話：你打我電話為甚麼不知道我姓名呀？
普通話人話：案件太多，先給我姓名，我幫你查一查是哪單案件。
我話：我這裡是電話公司，有甚麼案件要你查呀？
跟住“卜”一聲，收咗線，無再打o黎喇！
事後同同事分析，覺得係電話騙案居多。
：
