異空戰士 (3D) - 65分，有d失望

往往，希望越大失望越大：

• 女主角唔靚
• 湯告魯斯=湯告老斯
• 打鬥場面混亂
• 隻“野”好平凡

還好，佢條“橋”得，不停從頭打過，打到爆機為止。就係佢掛住講條“橋”，其他地方就兼顧唔到。

其他comment :

• 3D好靚
• 大場面有睇頭

$95一張飛好貴，唔抵，加上隔離又坐埋d低等民族，真係破壞氣氛：

• 明明係科幻戰爭災難片，佢係又笑唔係又笑，成間戲院得佢笑
• 食野，一陣味
• 食野，sock sock 聲
• 隻手伸入袋攞野食，沙沙聲
• 講電話，有聲
• 開電話，有光
• 討厭!!!!!

3叔姐第一次整香芒布甸

牙週病，攪到有d牙要離我而去。除咗心情極度低落，仲要忍受短期內無得正常進食。

好彩，3叔姐端上一大碗香芒布甸，心情即時好番大半。

用咗“玩具mode”影上面幅相，所以兩幅相唔同色

健康雜豆糉

3叔姐近日跟朋友學咗包一隻健康雜豆糉，有紅豆、綠豆、腰豆、乜豆、物豆、花生、蝦米.......其實落乜豆係好隨意，只要唔落咸蛋黃同肥豬肉就無問題，當然少油少糖少鹽﹐就梗架啦！

3叔姐隻手

朋友剛好被一間學校邀請當義工，教佢地師生&教職員包健康雜豆糉，然後師生努力咁包，要包 .......target 6000隻，送比老人家食！於是朋友就搵埋3叔姐，倆個人就浩浩蕩蕩、倆手空空咁去到學校。

學校方面就預先準備地方、工具同材料，等倆個“師傅”一到就開工！不過佢地都唔係係咁包就算，而係要比賽：鬥包得好！所以3叔姐仲要做埋評判至走得！

大合照 - 3叔姐、朋友 & 有份參與嘅師生，共60人，當日一個上午包咗700隻糉

紀念品頒比3叔姐

臨走時，有師生問倆個：下次學乜野呀？

唔係賣廣告

今日同3叔姐食完lunch無所事事就搭車入咗Cyber Port行下，真係隨便行下，因為連相機都無帶，不過就比兩樣野吸引住我，用手機都要影低佢：

第一樣係件金魚衫（現場有職員響度，唔敢影門口個poster、唯有攞張leaflet影），件金魚衫d鱗片好幼細，最靚係件金魚尾，着響人身上面，好美人魚feel！唔知會唔會真係有件咁嘅衫！？

第二樣係架BB車，上網check過，要成萬蚊一架！抵唔抵就見仁見智，但係如果真係用佢推BB出街，個BB真係舒服到暈囉！佢想坐又得、望住大人又得，響下面個籃瞓又得，又唔怕曬......有錢真係好，仲要有好多錢！.......多d人買，咁d設計師會再設計d更勁！更多功能！賣2萬蚊一架嘅BB車！

壽司鬥平益晒我

第一次發現“爭鮮”係前年響坑口地鐵站上嘅商場，$3一件，10件都係$30，覺得好抵，而且質素唔差，係三文魚就切得薄d。（當時吉之島平均都要$4.90一件）

之後陸續見“爭鮮”開下一間開下又一間，到e家香港已經開咗40幾間！終於，鰂魚涌都有一間。

鰂魚涌果間未開張時真係有d期望：好咯，第日買壽司就方便喇！又平！到開咗張，人山人海，次次經過都見人龍！我諗：唔使急吖！來日方長。隔離嘅惠康都有壽司賣，而且惠康都被迫賣緊$3一件，咁就買住惠康壽司食住先。

今晚一個人食飯，又想食壽司，入到惠康，吓!!!!七點半都未夠，咁平？大大個牌寫住：“壽司$2一件”！

買咗兩合共20件返屋企一口氣食晒。

一個人食20件剛剛好咋！

款式都多吖

唔係幫佢賣廣告，質素OK，食材新鮮

無花無假，$20 x 2 = $40，聽日再食

2014 母親節

今年母親節阿女同女婿唔響香港，所以4個人提前響潮庭慶祝咗。

祝3叔姐2014母親節快樂

雖然話慶祝咗，到咗今日正日都唔可以“口慷慷”嘅，於是早d起身，10點2去到太古城美心皇宮同埋潮庭攞位。可惜辦事不力，美心皇宮細台叫到49號，我就攞張233號飛、潮庭開10點，已經放晒人入去，我要等第一轉食完至有機！不過，為表誠意，我等！


終於11點4，3叔姐響第間搵咗位…


夜晚果餐就響灣仔“金牌小龍”食小籠包。

阿女，我盡咗力喇！

浣紗街搵飯食 - 民聲冰室

大小姐約食飯，試下今期見報嘅大坑民聲冰室先。

叫咗兩個白飯同埋：豬扒飯、呷醋雞、肉餅（好出名架）：

結果：

飯 - 硬！

豬扒 - “鞋”！
呷醋雞 - 咸、好多雞油！

肉餅 - 咸、好多肥肉！

都算，最弊係坐得唔舒服，所以，3個都覺得唔適合我地再黎！

蜘蛛俠2 決戰電魔 (2D) - 10分，極度失望

一套咁大套嘅科幻巨片，票房又話咁好，影評又寫得咁勁，點差都三四十分，但係因為佢收$80，我有d被騙感覺，所以出手都唔手軟！10分！唔係十分好睇，而係十分失望，100滿分佢得10分。

一向科幻片都唔使乜野劇情，一開場交待下就打啦，佢講咗一個鐘！

個電魔本來係人，突然變成電魔，求求其其話變就變，人又點會比電電幾野就變魔呢？已經電死咗啦！就算唔死都比d魚咬死！不如求其話外星飛個電魔黎算啦！

蜘蛛俠，血肉之軀，就算佢有自我療傷本能，又點可能唔怕電？

最好笑，條街已經打到爛晒，d市民仲企響行人路度好似睇爆水喉咁睇。

唔係我杯茶。

展城館睇九巴歷史模型展+中環遊

見到堂細佬面書影咗一d巴士模型相，知道響大會堂展城館有九巴展覽，於是…

(可惜得一支公，因為3叔姐3A義工要開工)

目前最新型號

模型1號車

真嘅1號車，( 睇完九巴展經尖沙咀去旺角場睇南華對晨曦，就要坐1號) 

好細致嘅微型

既細微、又真實

電影廳一定要睇

展館2樓有露台

離開展城館往碼頭方向

用咗模型mode影

用咗模型mode影

靚仔遊客

一路都天陰，睇緊波仲落雨

- 完 -

終於搵番舊Yahoo BLOG

偶然想search 一d野，發現有個叫Bing嘅search工具，於是打 “3叔公”，竟然出現咗 “3叔公blog” 響一個叫 " 隨意窩Xuite" 入面 :

http://blog.xuite.net/sinlok2005/hkblog

e家記番，當時Yahoo有推薦將Yahoo Blog 搬去 Xuite Blog，但係我入過Xuite Blog睇過，眼都花埋，於是唔同意，就比咗Blogger個地址，估唔到，結果係咁！

點都好，多謝Yahoo幫手儲起咗d Blog，e家雖然要逐單copy & paste返黎，而且d相嘅resolution細晒，but 已經超開心！

開始唔得閒喇！

3叔姐學整砵仔糕

3叔姐響朋友度學整砵仔糕，留一個比我試，食落又……係咪買架？

想死咩！老婆都唔信！真係喎，口感完全一樣，就唔係咁甜，可能知我唔可以食咁甜啦。

下次要多豆！

閒逛新海怡廣場Outlet

今日落雨，行山遠足都唔適合，於是食完早餐打算遊車河，結果上咗99，去海怡半島。到咗海怡半島再坐shuttle入去新海怡廣場逛下Outlet。

今日新海怡廣場無乜人，上到去更靜英英。可能地方大、層數多啦！

奇怪，所見貨品全部made in China，有無攪錯！！行咗3層就走。不過，又唔可以話無野睇，3叔姐之前黎過，佢話d時裝、家品等都有d特色架！下次有興趣，有時間，行多幾層，慢慢睇啦！

e班 shuttle 得4個人

3樓停車場望到無敵海景（e家落緊雨）

http://zh.wikipedia.org/wiki/%E6%96%B0%E6%B5%B7%E6%80%A1%E5%BB%A3%E5%A0%B4