芒果樹

屋企附近有幾棵芒果樹，幾年生一次芒果。今年唔知做乜，一早就成棵樹都係芒果仔。





再遲dd芒果就會變黃色，到時睇下影唔影到。

冰酒

Eddie知我鍾意飲冰酒，專誠由多倫多手提運到，淨係誠意已經令人感動。





我唔鍾意飲酒，但係一細杯白酒又OK，或者冰酒 ，甜甜地，正！

恭喜南華贏得足總杯

恭喜南華 ，贏得足總杯，今屆4個錦標奪得2冠2亞算係咁，可惜由於疆化嘅制度，無得踢出年亞協。

贏2-1有d險，但係大埔踢得實在好，如果唔係基士文臨別秋波入番球，南華贏唔贏都好難講。



今日場波唔算精彩，but緊張。南華贏咗 ，所有球員仲手拖手向我多謝！唔使客氣！出年繼續努力啦！我出年再捧你場喇！

美麗華4樓富豪

平時對d名人飯堂或者富豪食肆都無乜喜好，貴，唔舍得，食物質素同價錢唔成正比。好似褔臨門，有幸食過一次，無啦啦都唔會再去，佢嘅小點 – 山竹牛肉$60、蛋撻仔3個$50，代客泊車$80....唔去就罷喇！



今次去富豪，全因為上個月3叔姐遇番一個30幾年嘅朋友響度做經理，對方都叫唔出3叔姐個名，但居然仲記得我個名，咁，唔去見下佢點得呢！於是大小姐出車，一行4人，出發！

今次見面，真係唔多認得喇，大家都變咗好多！但係記憶猶在，互相講番以前d野，都幾得意。

飲完茶同3叔姐坐地鐵，阿女就跟番大小姐架E350走，點知過咗紅隧 hi 親人架BMW，兩車齊花，雖然無嚇親，但係，超肉赤！

夾埋一齊買六合彩

自從晉升成為一個基層管理人之後，最怕就係同事有病痛 ，同埋 - 中六合彩。

我每接手帶領一隊同事時，都語重深長同佢地講：『我唔希望我嘅teammate夾埋一齊買六合彩，不過如果要買，一定要預埋我。』因為，如果佢地一旦中咗，實一齊唔做，咁！我就大鑊。

最近六合彩嘅獎金好吸引，頭獎一票獨得的話彩金接近一億，我（身為基督徒），竟然帶頭夾份買六合彩，點解？因為我做得太攰喇！

希望南華記住今晚嘅恥辱

用到“恥辱”咁形容今晚睇南華輸比春武里嘅感受絕對唔願意，不過，當你睇到南華輸到0-3之後仲比人玩馬騮咁玩，真係希望快d吹雞完場算數。

我唔想學人馬後炮，只希望南華記住今晚，練番90分鐘氣、踢出隊形，後年再踢亞協啦！

母親節 2

3叔姐要食美心皇宮，所以等咗差唔多個半鐘 (10:00am - 11:25am)都要等。


環境乾淨闊落，但係今日就連廁所門口都擺埋枱 (d相響openrice cop架咋)


3叔姐最鍾意嘅雞絲粉卷


夜晚3叔姐自己有節目喇，我要自己響屋企食上海麵！

母親節 1

今晚提早開始慶祝母親節。3叔姐選咗紅磡詠藜園食擔擔麵




與及黑白水晶介子一對做禮物。

不誠實記錄 + 武道狂之詩

去開紅磡忍唔住又要入去黃埔花園嘅大眾書局走個圈。自從有咗部 Samsung Galaxy Tab 之後已經好多書都有得睇，但係都買咗兩本。

兩本都係漫畫，不誠實記錄講小學時的回憶同趣事，好抵死有趣，$78都買



另一本武道狂之詩，小說已經睇過，寫法新派同埋好識引我追睇落去，但今次係漫畫，有現場感，$38唔算貴，買埋。

小牛chok相

點解香港足球淨係識輸波唔識贏波呢？

入場睇波總有盼望，依次係：自己隊波贏波、有入波同埋踢出鬥志。

亞協杯H組南華響印尼輸2-4已經無緣出線。今晚F組飛馬對越南，捧下場打下氣啦



長途拔涉由上環去到將軍澳，入場、食野加車錢$120，結果，飛馬一路領先之下，仲11個打越南10個，被反勝3-2，無野好講。

散場一路同德仔行去坑口地鐵站，一路傾住一個話題：點解香港足球淨係識輸波唔識贏波呢？做香港足球迷都幾無奈。

"彈"琴

今日如常同同事A、B、C一共4個人去上環嘉豪食lunch，叫咗d野未到，大家唯有聽下天花喇叭播緊嘅鋼琴音樂。

我同同事A、B、C講：我識彈e首鋼琴。

同事A話：e首歌叫乜野名呀？

我話：唔知呀！不過佢個melody唔好聽、又忽然大聲忽然細聲，邊有鋼琴彈到咁架！

同事A話：咁你又識彈？

我話：我識呀，岩岩彈咗囉！

同事A仲十下十下，同事B已經笑咗出黎。

小嵐

3叔公第2個侄孫有相喇！兩個幾月，已經見到佢嘅優良遺傳 --- 靚仔

















小牛細個（左邊）同小嵐（右邊）勁似樣


小牛同堂細佬影幅相先