孫孫第一次行花市

第一次（年廿七）帶孫孫行花市，佢左望右望，其實唔知發生乜野事。隨便行咗個零鍾，唔夠喉，我自己今朝一早又去多次，超過一半檔口未開。

同褔堂熊仔

 

年29 d 花平過年27

9成9水仙都係咁

希望今年行個桃花運先！

  

影人點都要背光

花市無工展會裝飾咁靚

- 出年再黎 -

獎品

最近又有d心力交瘁嘅感覺，年頭年尾攞e條數、埋果條數，公司超多野做！真係年紀大，有d力不從心。

星期一，既要埋一月數，又要出席 2016 Kickoff，夜晚仲要食埋公司團年飯至帶住疲乏嘅身軀返屋企。不過攰還攰，都有少少運氣，就係夜晚抽到第5獎：

快圖美賣$1,580 (有迪士尼公仔貴好多)

以為係即影即有相機，原來係 Smart phone printer，響手機裝個apps就可以飛幅相過去 print出黎，超方便！

2R 相，放銀包或手機套都方便

- 我鍾意呀！ -

2015聖誕聚會

恭喜何牧師、師母嫁女！
當年響同福主日學嘅一班小朋友，排住隊結婚喇！Mon姐更加做埋媽媽……
何牧師好好記性，多年無見一見到我同3叔姐就講得出名，勁！恭喜曬呀！

上個月3叔姐跟埋莎莉、PC同佢地小組一行廿幾人上褔建浦田飲，無我份，琴日聖誕聚會，預埋我喇。
聚會地點好遠……3門仔比華利山！PC揸車開埋導航都唔易搵。
事後摷番我d blog，原來響2013年11月初遊科學園影咗一幅相，3門仔就響科學園對面，隔咗個吐露港。

http://sbmlc21.blogspot.hk/2013/11/blog-post_25.html

主人家間樓好大，1個花園、2個車位、3個廳、4層高、5間房.....我到而家都諗唔掂：如果間屋係我嘅，點算！又無電梯！好彩係如果啫！

 廿幾人嘅食物，大部份係「阿蚊」姊妹攪掂，勁！辛苦曬！

食完野，由3叔公主持兩個遊戲，分男、女子組比賽，結果各勝一場

之後又有唱詩、分享、祈禱、祝福 ....

- 多謝、感激 屋主一家熱情招待！ -

燒烤@烏溪沙新村

Mon姐同事家攪燒烤，我同3叔姐都有被邀請，感覺榮幸。雖然烏溪沙咁遠，就當假日郊遊，行下影下相都好。聽聞烏溪沙碼頭睇日落都唔錯 ..........可惜，天陰，唔落雨已經好彩。而且，好早天黑，6點已經影夜景咁 ：

無帶G7X，其他相都無乜睇頭，盡力影啦！影下主人家為我地悉心準備嘅食物同佈置都好：

慶祝孫孫處女下水@屯門三聖街廣東名門

上星期五，離開鯉景灣，隨即借慶祝孫孫處女下水為名，約埋伯婆、舅父、小牛表哥仔（全部稱呼由孫孫出發）專誠由東區入到屯門擦番餐！

話說3叔姐同開心少婦組已經食過兩次『名門』，極力推介，咁就『名門』啦！不過食乜就由女婿發辦，我都係........我只可以睇多過食.....應該係影多過食，唔比咁多意見喇！何況係佢請哩 ^o^

  

“小牛表哥仔，唔好掛住打機，望下我啦！”