3叔公BLOG: 3月 2012

2012年3月29日星期四

3叔公前世嘅情人

我同好多人影過相，但係影得最多嘅一定係我前世嘅情人 — Mon姐；由細睇住Mon姐大，個樣何止18變！尤其係出世無耐，差唔多個個星期都要影相。

最近換咗新Printer連Scanner，雖然平平地，$399，質素普通，不過已經令我猛摷番d舊相出黎scan，回憶一番。

E張我地叫走佬相，一攞個滕喼佢就知道出街，入面全部係佢d公仔同埋首飾

初次玩電筒好開心

鴨仔，由佢3歲陪到E家

同4舅哥4舅姐上廣州，佢兩個就最鍾意Mon姐E個Look，點解，純品、得意、可愛....仲帶Mon姐上花園酒店旋轉餐廳食雪糕

我好鍾意E件紅色花恤衫仔

回憶住咁多先！

2012年3月26日星期一

幫公司影相

有段時間公司事無大小嘅 function都搵我影相，例如澳門兩日一夜 Workshop，運動會，Long Service Award，總經理專訪，頒獎禮，聯歡會，或者春茗。甚至公司管理層都認得我，見到我揸住相機出現，都會叫我影相。

俱往矣！

3叔公作品：

春茗通常都有歌星，印象最深刻係陳雅倫，好性感

當時新買 EOS630，自動對焦又快又準，所以影咗E幅相，好多男同事都話要一張，免為其難晒咗二百幾張，每張賣2蚊，扣除1蚊成本，賺二百幾！

韋綺珊

葉麗儀黎咗兩次

第二次連無化妝採排都影埋

老電時代嘅高層

Ian Stone

Mr & Mrs Gus Moore

Hubert Ng & Mike Gale

2012年3月24日星期六

太平街市靚女

3叔姐買雞都鍾意到鰂魚涌太平街市金龍華雞鴨檔買，有一次唔見事頭婆看檔，反而係一位後生靚女，後生！靚女！劏雞？賣雞？無錯！仲手法純熟，去骨去皮，有求必應。據報，係事頭婆個仔嘅女朋友。再細睇下個檔口，整齊清潔衛生，唔幫襯佢幫襯邊個呢？

御用Model

3叔姐識做衫，由構思、買料、劃紙樣、然後成件起。Mon姐自然就係御用Model啦！

3叔公唔執輸，Mon姐除咗做時裝 Model之外，都要做埋我御用影相Model：

佢好香呀！

E日又帶住御用攝影Model阿Mon姐4周圍影相，去到尖沙咀，呀！不如上海運大廈天台影日落啦。

遇正甄妮拍MV，我地等佢拍完，就邀請佢影幅相。

影完Mon姐話：佢好香呀！

2012年3月23日星期五

飛吻

維多利亞幼稚園Friend Club入面同班或者同級同學仔有4女3男，就係因為佢地，造就咗7個family來往到E家。

7個同學仔長大成人，各有志向各有出路，雖則各有不同，都希望佢地一樣健康成長，生活愉快。

4個女仔 : three B, Mon 姐, 大廚，飛吻 @ 長洲明暉營

飛吻今年會拉埋天窗喇。希望由佢開始，1開2，遲d 7個就變14個，個Friend Club 就更加興旺！

飛吻現在雖然為人師表，但係細細個時超可愛，又靚女，乖乖女一名，到E家我都想象唔到佢對住d百厭學生時嘅惡樣。

3叔公作品：

飛吻拍陽光檸檬茶廣告？

飛吻寶黛麗辮仔裝@芭堤雅

2012年3月17日星期六

sky100

招待堂大佬入住寒舍4日，但係日日早出晚歸，無陪過佢，今日趁天朗氣清，帶佢響潮庭飲完茶，再去sky100。其實我同3叔姐都未去過，今次真係好機會。

由太古城坐110直到圓方，方便到不得了。

可惜，我地唔係龍仔龍女，又唔係生日，又唔係星期3香港人買一送一，又唔買家庭套票……乜優惠都無，唯有每位入場券$150。

不過，物有所值！睇相就知喇。