糕糕糕！

年尾又係3叔姐趕製蘿蔔糕嘅日子，真係辛苦晒佢。我知d親朋戚友極唔好意思落單訂貨，但係，心話唔好，口話『我要！』，不受控制。

不過3叔姐又好樂意整比大家食，因為街買果d既肥膩又無料，而且咁多年都整開，大家鍾意就得啦！何況佢又新學咗竽頭糕，都要有人試下嘅！

好彩買蘿蔔有得送貨

榮華臘腸，不二之選

等.......比人蒸

雙爐齊蒸

13斤蘿蔔蒸5底

淘寶，有著數？

年頭上佛山，姨甥仔響佢屋企沏茶款待，我一見佢套『架生』就鍾意到不得了，但未敢透露片言隻語。

原來佢果套係朋友送嘅旅行套裝，已經用咗一段日子：

返到香港，我仍然對果套茶具念念不忙，終於：

人仔￥145，二話不說，淘佢返來，就係 e 套：

質素都唔錯！不過，點解個袋唔同嘅？d杯細隻d嘅？杯同壺都深色咁多嘅？越睇越唔對辦！唔通係A貨？

算啦，如果唔比較，單用咁嘅價錢去買一套咁嘅水準嘅茶具，收貨啦！淘寶，始終平d！

維園花市

近年鍾意咗日頭行花市，因為怕怕夜晚人多，迫都迫唔到去d擋度睇。而且，部相機“渣”，夜相影得唔靚！

所以，今日又約咗3叔姐早d起身，去皇室堡飲完特價早茶就入維園行花市。人少少，天氣和暖，又好多野睇，e個每年一度嘅節目真係唔好錯過。

超鍾意蘭花，千嬌百媚，儀態萬千，可惜唔識種，唯有影低佢：

又點少得桃花哩！

其他花：

染色嘅都有：

麵粉嘅又有：

花以外都好多野睇，不過都係齋睇，因為好多無謂野：

臨走見到一個Macaron，即刻想起Koko，佢成日整Macaron請我地食，不如，送番個比佢吖！

終於買咗：一個士多啤梨味，一個薰衣草味，唔知Koko會唔會鍾意呢？

最後，帶咗一盆黃色蝴蝶蘭返屋企，5支花，仲有10幾個花未開，$238，3叔姐講價講到$188，比個“叻”3叔姐！