南華勇奪亞洲超級球會杯第四名

一早申請咗今日下奏放假，因為要入場睇賀歲波。

結果，南華勇奪第四，不過因為得4隊比賽，咁，南華即係包尾。

E幾日好凍，大球場空曠又大風，凍上加凍，每次入場都要特別加衫，今日更加準備充足：底底 + 恤衫 + 冷背心 + 羽絨背心連帽 (全程戴住) + 大褸 + 頸巾 + 手襪先至暖笠笠，睇見德仔，似住後生，唔肯著衫，凍到縮下縮下，同佢握下手，D凍由佢隻手傳入我個心， Sorry，幫佢唔到！

講番場波，唉！都係唔好講。

2012 年初一

今年年初一特別熱鬧，雖有『好E』嫁咗，但又多咗『好冧』個仔加入，一多個小朋友 d 大人就瘋狂，e 個要抱果個要攬……嘈嘈嘈嘈嘈嘈嘈嘈得大家都好開心，連大夾細 15 人，嘈咗幾個鐘，龍年嘅年初一又成為歷史。







兩年前年初一小牛彈琴，


今年小牛小兔一齊彈琴。

 

年廿九

8點陪3叔姐落街市買餸，管理員讚我好老公；9點半去到溫莎9樓皇廷飲茶，兩個人飲咗$65；10點3維園行花市，咁多年過年都未試過咁早行花市，不過只係買咗玩具比小牛小嵐天日黎拜年。

平時繁華熱鬧嘅銅鑼灣，9點幾係咁嘅。




由皇廷望落維園，好多檔口未開。






過咗10點，開得8899，可以落去喇。


天氣唔錯，天陰無雨。


年花唔算貴喎，不過多咗 d 染色花。




















行完！希望龍年人類少dd怨氣、少dd爭議、少dd貪心、多dd包容、多dd健康、多dd愛，就好喇！

Complete 與 Finished 的分別

沒有英文字典可以有令人滿意的解釋 Complete及Finished 的分別。


不過用以下方法，應該不難明白：

When you marry the Right woman, you are "Complete".

When you marry the Wrong one, you are "Finished".

When the Right one catches you with the Wrong one, you are ........."Completely finished"!

年花

3叔姐每年都去旺角花墟買花，連同之前左插右插，一盤二盤，今年過年屋企又好多花喇，我自然手痕攞相機影相喇。

E札主花未開，所以無成札影，影d close up 算。


黃天霸(黃百合)


火龍珠

唔知名，比較少見

將d碎料放落森樹度。




之前插落嘅辣椒蘭開多咗花，加 d 飾物，又靚咗d。

 

賣豆腐

退咗休做乜？賣豆腐囉！賣豆腐乾淨，好過賣肉賣菜；我賣豆腐一定連膠合賣，因為要保持豆腐嘅完整，下次帶合黎買就扣番合錢；我又會送豆腐食譜，中、英、泰、菲文，食譜內容要同隔離左右賣嘅有關連，互相關照；每日入貨10板，賣晒收工。另外都會賣其他豆類食品……

今日行大眾書局居然比我買到一本正書。(作者：陳愛蓮)



內容相當精彩，除咗介紹各式各類豆類食品，仲有好多我鍾意食嘅食譜。值得推介。










(中英對照，$69 九折，九折係做咗大眾書局會員至有)

紙藝裝置展覽@太古坊康和大廈

從小月 BLOG 見到有個『紙藝裝置展覽』響屋企附近，於是走去睇下，但係睇還睇，我唔敢有乜野comment ，因為好藝術，唔識 comment。































Paper Tales 紙藝裝置展覽
日期: 2011年12月11日至2012年1月20日
時間：上午10時至晚上8時 (最後入場時間晚上7時30分)
地點: 太古坊康和大廈1樓ArtisTree
查詢: (852) 2284 4877
免費入場


取材於安徒生的童話故事「冰雪女神」，11位藝術家運用天馬行空的想象力，發揮細緻複雜的紙藝技巧，創作成獨具風格的立體裝置，探索紙的嶄新面貌，參觀者在這段奇幻旅程上將會拓闊對紙這種日常物料的固有印象。