預祝3叔姐生日快樂

咁多年，對3叔姐嘅稱呼不停改變，由“鄧姑娘”開始....到老婆....到e家叫“婆婆”（跟咗孫孫叫）。

不經不覺，叫咗3叔姐39年了！原來佢下個月都“登陸”了！“登陸”？唔講唔覺....講咗都唔覺喎！睇住佢同孫孫玩“轉、轉、轉圈圈，大手小手轉圈圈.....”充滿活力；睇住佢拉筋，一腳舉起高過腰.....輕而易舉。

“登陸”，其實係一個號碼啫！

不過“登陸”都要慶祝嘅！甚至係高調慶祝添。所以，今晚e餐詠藜園唔算架，採排下咋！等埋Mon姐.......先至同妳食餐勁架！

預祝3叔姐“登陸”快樂！

32nd Year Wedding Anniversary

都已經32年，都好似習以為常，都好似無乜野寫，不過，始終係結婚周年紀念，何況今年有d唔同，今年多咗孫孫！

兩大一B請咗去太古城王家沙慶祝

孫孫都有糊仔食

 - Thank You! -

3個後生好識做！

今日婆婆（3叔姐）正日生日，3個後生（兩大一B）好識做，陪咗婆婆一日。婆婆固然開心，更開心係第一次生日有孫孫一齊慶祝！

今日早午晚：映月樓、黃泥涌水塘花園、東海。

 

- 3叔姐，Happy Birthday! -

老婆，生日快樂！

老婆，生日快樂！

咁多年黎，你都唔使我送花。我唯有，又去影花送比你啦：

幅相響香港公園影架，去得香港公園，除咗影花，梗係......唔停手，係咁影係咁影！

慶祝識咗3叔姐38年 + 孫孫識轉身

話晒都係識咗3叔姐38年紀念，7月1號晚倆個人出街食番餐好d。一路食我又一路諗番當年返工食lunch，倆個人食一碗臘腸飯加多碗白飯加色嘅日子......

以為簡簡單單同3叔姐食餐飯，原來Mon姐都訂咗7月3號@East Hotel，仲因為要慶祝孫孫識轉身！e個理由都幾好！

孫孫等食個樣幾攪笑

影幅自拍先

- 呃人嘅！有得睇無得食！ -

識咗3叔姐第13880日

今日係識咗3叔姐第13880日。

響e 13880日入面，同3叔姐一齊經歷咗好多：一齊拍拖、一齊儲錢、一齊還債、一齊第一次坐飛機、一齊去旅行、一齊結婚、一齊面對生離死別、一齊做父母、一齊出席Mon姐畢業禮、一齊做外父外母、e家一齊做公公婆婆……13880日，即係38年完咗，開始第39年。

3叔姐，我地繼續努力！一齊……玩孫孫！

人日食生日蛋糕

今日初七人日，我地5個都“生日”，於是買個生日蛋糕慶祝。

我發現孫孫雖然得兩星期人仔，佢已經識望鏡頭。

兩星期喇！

Emma - 365

孫孫個英文名叫Emma。『Emma - 365』係我地uHub內一個folder名。e家將佢每日影嘅相都放上uHub，再由每日嘅相之中揀一張（盡量一張啦，不過有時會超過）放上『Emma - 365』，咁，我地想響邊度睇都得。

而且，一日一張相，會睇到孫孫一日一日長大……

Day 1

Day 2

Day 3

Day 4

Day 5

Day 6

Day 7

Day 8

Day 9

Day 10

Day 11

Day 12

Day 13

Day 14

Day 15

.

.