叮蛋器

打開蓋之前係咁既：


打開蓋之後


放入水


放入蛋，每次最多兩隻


放入微波爐，食糖心就叮5分鐘，食熟就叮8分鐘。

自動出洗手液

Simplehuman - 外形好似水龍頭既自動出洗手液器



自動出一次洗手液


份量剛剛好


隻肥手係3叔公既


外形都幾靚

制裁！

曾經在某街市大廈lunch見到幫襯緊的食肆內，5個伙記(包括煮緊野食同賣緊野) 4個食緊煙。

返到公司打去控煙辦投訴，下次再去幫襯隔離食肆時，已見唔到原先果間有人食煙。

又過幾日再去，關門了，直至現在都無開番，唔知關唔關我事。

睇見不平的事，例如商場內人客打管理員流哂血，我都試過喝停佢，唔比佢再打。

但係，有d事睇住都唔出得聲，或者出唔到聲。

有次同3叔姐入天水圍行下，迎面一班細路行過尼，又吸煙又吐口水，咁可以點？

大廈住客養狗又任由佢大小便可以點？

放工行到大廈門口一支未熄煙頭由樓上飛落面前可以點？

坐地鐵有人成份大家樂早餐食哂可以點？

有食肆在門口洗碗將洗碗水流哂入雨水渠可以點？

我坐火車起身讓座比阿婆坐，誰知比個精壯男人一野坐落去，我話我讓比阿婆坐，佢話：個位你架？咁可以點？

肆意掟通渠水落班又拉唔到咁可以點？

邊個可以制裁到e d人？

不過有一次見到一幕大快人心的制裁：

話說有日經過大圍火車站對落三角位過路處 (只有輔助線，無紅綠橙)，3個青少年人慢條斯理過馬路，完全不理停著等佢地過馬路的客貨van，客貨van砵佢3個，誰知 3人即刻拍打客貨van車頭，xyz司機，砵乜xy野呀？客貨van上有兩人，兩人二話不說，手執鐵通落車便追打3人，咁x吋？3人邊跑邊叫，誰知馬路兩邊都有3人的自己友，唔係好多，幾個啦，都已經手執一件"架生"衝出尼就圍客貨van兩人，眼見兩人兇多吉少，誰知有3個CID正在茶餐廳門口吞pok (或者開緊會，我唔肯定)，一見有事，衝向班人：差人！個個手按腰間手槍，就制止了一場械鬥。差人call衝鋒車，帶哂所有人返差館。峰迴路轉。大快人心！

別忘記，人在做，天在看！有惡必報，若然未報只係時辰未到咋。

政改(2)

點解中國人總是用自己的框框去睇、去審判、去裁決呢？政府係咁，政黨係咁，80後又係咁。但每個人的框框卻又那麼小，所以，社會越來越不安寧。

柏楊的醜陋的中國人這樣寫：

一個中國人是一條龍，三個加埋就係一條蟲，因為一個不滿一個，以為自己才是大佬，結果反而甚麼都做不來。

佢又寫：

三個日本人做生意，第一個大減價，第二第三個可以輕鬆一下，下次輪到第二個大減價，最後到第三個，個個有錢贃，又唔傷和氣；但中國人如果第一個大減價，第二第三個立即爭相大減價，而且減得仲狠過第一個，結果大家都無好處。

唉！

曾經兩次擁有依本書，兩次睇完都送左比人。今日，我又想買60本，每個議員送一本。

政改

好唔想在此談政治，第一唔識，第二各人想法唔同，實有人贊成有人反對，如果遇到激烈者反對洗我BLOG就麻煩。但係見今晚d 80後咁辛苦，又想勸勸佢地保重。

身為一個選民，其實你的意願已交比你選的議員代你發言或者投票，如果佢唔稱職，下次選第個啦，又唔稱職又選下一個，甚至你自己去選都得，何必......睇見佢地好辛苦。

好多聲音話取消功能組別，我唔讚成，因為功能組別可以制衡直選議員，如果全部60席都直選，就好有機會好似泰國咁，市民被某d人仕利用去投票，何況香港好多人可以接受食完海鮮去遊行依一套。所以有功能組別可以有各種不同業界聲音，但，一定要監控依班人，無得唔出席，出席又唔投票，投票又投棄權.......又唔提議案，政府要佢點佢就點，好似某議員今晚比人鬧"走狗"咁。好多議案都係因為分組點票過唔到。

民主黨的改良方案我唔鍾意，但係好過唔郁。依家佢成日比人鬧，但鬧人者有無更好方案？鬧人幾咁易，幫人就好難。如果無依個改良方案，今年個政改又會被推倒，政府理得理，過唔到就賴你，到2015年佢又係推依個方案出尼.......

我以前次次選李柱銘，但如果今次佢真係退黨，我覺得佢輸打贏要唔應該。世界上好多唔係你要咁就咁，好似華叔咁，佢可以唔要cancer咩？

我好欣賞黃毓民，佢d野熟，反應快，有point，但如果佢用d廣為人接受同有涵養d而又可以達到目的既方法就最好。

余若微贏特首辯論贏得好清脆，兩個我選我會選佢做特首，但如果多幾個又未必.....其實選邊個都好，最緊要係個制度，好似美國，選左一個總統，大家就接受個遊戲規則，用心去監察你，幫你，攪好個政府，無話成日叫佢未做完就落台，佢做滿4年做得唔好自然無人再選佢啦，而且8年就無得連任。

夜喇，瞓喇！

孖侄仔作品

阿哥張嘉銘作品


細佬張嘉鉻作品


細佬張嘉鉻作品：

(11歲)

(10歲)

阿哥張嘉銘作品：

(10歲)

2010父親節禮物

今年父親節禮物，兩件Timberland 恤衫，一件長袖一件短袖，顏色同款式都合哂心水。多謝3叔姐同Heiman。

2010父親節

剛在家吃完父親節晚飯：

蒜蓉粉絲蒸聖子


蝦醬炒通菜


三色炒帶子


蒜蓉炒飯


是Heiman同朱古力合力炮製的，收貨了。Thank you.

聽古仔

今晚晚飯時3叔姐講左一個從收音機聽到的古仔：

話說有位仁兄放工回家，見阿女同一個女同學仔在房，門半掩，女同學仔剛巧問了阿女一個問題：妳係咪處女呀？

仁兄一聽，吓！問我個女係咪處女？@#$%!....

隨即聽見阿女話：我唔係處女！

仁兄當堂嚇到彈起，想入房問個究竟。....

突然聽見阿女話：我係天蝎呀！運程點呀？

仁兄一額汗，虛驚一場。

感謝主 - Sandwiches日前割除眼下小粒粒

Sandwiches日前割除眼下小粒粒，又聯針又拆線，想唔睇都唔得。今日出化驗報告：良性，感謝主！之前被醫生嚇親，話皮膚癌。

大家年紀都差唔多喇，係時候多加注意，祝身體健康

Jewish joke sent from Malaysia Su Fen

Man: God?
God: Yes?
Man: Can I ask you something?
God: Of course!
Man: What's a million years for you?
God: A second.
Man: And a million dollars?
God: A penny.
Man: God, Could I have a penny?

God: Wait for a second.

想去旅行？

從網上搵到一資料同相片：

去日本游水




去大峽谷空中漫步






去拉斯維加斯玩過山車同八爪魚










去杜拜打網球












去華山行下
















定去踩單車呢？