腳趾外翻手術(2)

3叔姐出院了, 頭尾3日, 出院埋單, 醫院收萬幾, 醫生收二萬幾, 總數$36,313.- 好彩, 3叔公公司保險夠cover, 一毫子都唔使比, 否則, 自己比都要囉, 果個係3叔姐喎! 醫生仲比咗31日病假佢, 今次要晚晚食飯盒了.

最後都要再次感謝主, 8號風球下, 整個手術如此順利! 保險又可以cover, 多謝.

腳趾外翻手術(1)

感謝主, 3叔姐手術OK, 但唔好急, 慢慢會好番哂, 好番帶妳去旅行.

由同事變成朋友

遇到歐生這個同事是緣份, 也是褔份, 例如呢:

可以為搬office之前半個月陪我晚晚放工後留低收拾文件, 無OT錢; 可以有同事走或者同事唔肯做的工作, 佢做; 星期6唔使返, 佢返, 7點55分同我同老闆飲完茶就開工, 亦係無OT錢; 我為同事造架萬用手推車佢幫手; 我搬4筒櫃佢幫手; 公司運動會搵人march-in佢幫手, 聖誕節一齊主持遊戲佢又做,...... 太多了, 未能盡錄.

所以, 歐生榮休後已成為我朋友了.

歐生, 多謝御日居果餐, 下餐到我.

阿May, 恭喜你有個咁正老公!

主題餐廳

曾經夢想開主題餐廳. 第一間實開Airbus A330-300飛機餐廳.

坐方面分頭等, 商務客位同經濟位, 學哂飛機位一樣, 同一方向坐, 當然座位闊過真飛機dd, 放食物要拉下前面椅背塊板, 如果坐頭等位想眠一陣, 有枕頭借用, 收費同泊車差不多.....

食方面當然是飛機餐, 你只須說航空公司名稱, 就有該航空公司的飛機餐送上, 一人一份, 例如想食架哩, 就要選印度航空公司了.....

娛樂方面可以打開前面椅背的電視機32條channel任睇, 但要先叫空姐借個headphone比你.....

服務方面有靚仔靚女機倉服務員, 穿上整齊制服serve你, 亦有定時演練穿著救生衣及逃生路線.....

3叔公就會扮成機長間中報告天氣, 又會四圍social.....