“有無唔舍得呀？”

四舅父近日抱恙，莫明奇妙周身痕，出水泡，然後抓到損晒，出血，變成周身痛，幾經化驗，驗出一個病毒叫『類天疱疹』，係自身免疫系統出現問題。入院住咗個幾星期，得到悉心照顧、對症下藥，e家開始好轉。希望四舅父心境平和，耐心接受醫治，並且趕及10月飲Mon姐嘅身抱茶啦。

亦都多謝威院醫護人員嘅愛心護理。

都響e度轉達四舅父佢比咗個『讚』過3叔姐！辛苦你呀，3叔姐！

響探病時遇見二舅父，佢一見我就話：『就嫁女囉喎，恭喜晒呀！有無唔舍得呀？』

“有無唔舍得呀？”，e期都容易聽到e個問題。

我嘅答案係：『梗係唔舍得啦！，不過無得唔舍得喎！』係啦，e個係佢人生嘅另一個階段，就算唔舍得，條路都係咁行啦，等如我當年結婚離開父母咁。

聖經創世記有話："因此，人要離開父母，與妻子結合，二人成為一體……", 聖經都咁講！我欣然接受嘅！

(e幅相係我由上向下影嘅，Mon姐果隻求婚鑽石介子黎架！)

3叔姐自細就有個花名叫『鑽石』，其實Mon姐都係我地嘅鑽石！

“巧”妙安排的求婚

2013年1月8號響公司收到巧克力電話："Uncle，我想你幫我做d野呀！正確黎講係幫我收d野"

"你幾點放工呀？你幾點返到屋企呀？8點返唔返到呀？"

"到時會有人送野上屋企架，比晒錢喇，如果你收咗就放響廳啦！唔該晒！"

終放成功幫佢收到一札花，嘩！咁大札，以我經驗，唔數都知道99朵，個儍仔唔知做錯乜野事呢！梗係買黎認錯。咁大札花，就放響窗口邊張椅度啦，都唔會一入屋就見到。

3叔姐上完堂返黎，比佢一入屋就見到札花："做乜咁大札花呀？"
"唔知呀！巧克力搵人送黎架。"
"今日乜野日子呀？唔知攪乜呢？"

電話響起，Mon姐："你地倆個都響屋企牙，有無用緊廁所呀，巧克力同我返緊黎，不過佢話肚痛，要借廁所用！"
"OK，無人用廁所，上黎啦！"

Mon姐先入屋，巧克力隨後。Mon姐除鞋，一除完鞋就見到札花，問：
"做乜咁大札花呀？阿媽你插架？"
當我同3叔姐都唔知點回應嘅時候，倆人目光都望向巧克力，見到巧克力邊度有肚痛吖！佢響褲袋攞隻介子出黎，單膝脆低，舉起介子，佢話："Mon姐你嫁比我吖！"
.
.
Mon姐開心到咸咗出黎。

我估佢諗唔到個求婚黎得咁突然；咁有誠意；咁夠姜響佢父母面前求婚！

Mon姐的學業

好多謝Mon姐咁多年黎讀書都唔使我地倆個“勞氣”，學業成績雖未算好好，總算順順利利，一關一關咁過，無留過班，直至讀完大學。

好多謝3叔姐，由Mon姐開始讀幼稚園起，就辭去工作，專心湊女同照顧家庭，空餘仲試過湊過兩個小朋友，又攞d衫返屋企改，幫補家計。

咁嘅屋企，超正！加上咁多年黎佢倆個都未鬧過我一句，咁嘅家人，超正！

咁我對家人又有乜野貢獻呢？梗係我嘅強項啦！........我將Mon姐每個學習階段嘅第一日返學都影咗相架！邊個夠我咁細心哩！















* 咁多年黎，3叔公同3叔姐都未鬧過Mon姐架！

Mon姐的嫁妝

屋企有一本相簿，入面keep住Mon姐由未出世至到幼稚園畢業果幾年間最珍貴嘅相片。

相簿由5本獨立相簿合成，5吋厚，10幾磅重。

當年同Mon姐講笑：嗱！e本相簿就係你將來嘅嫁妝喇！


























本相簿都幾殘，因為久唔久都攞出尼睇。

相有d黃，甚至變淡色，不過d相就真係比番我地無限嘅回憶。




























































3叔姐好鍾意e張相，因為係佢影架！


幼稚園開學




幼稚園畢業


相簿內仲有3叔公同3叔姐細個相


女大18變，希望Mon姐鍾意e份嫁妝啦！