維多利亞幼稚園 Friend Club的大喜事 (7)

熙熙結婚喇！第一個幼稚園男同學結婚！維多利亞幼稚園 Friend Club自然又多一個新成員。今次 Friend Club 連大夾細有17人出席，又係黐黐呆呆、坐埋一台，唔使拆開我地。不過，下一個結婚就難攪喇！

好橋！熙熙姓李，太太又係姓李，都係Li，百份百“同姓戀”！唔使驚，一個廣東一個福建，將來BB仲係一個Mix添，混省都算！

今晚宴會都幾 grand，有live band，有國內歌手表演。不過當國內歌手就快演出時有賓客抱住BB離席出咗去門口，Mon姐地見勢色唔對，都推孫孫出去，隨即音樂響起，有個男歌手出場唱女高音 .........我同3叔姐都走埋 ...........出門口！

響e度都恭喜PC、莎莉！榮昇老爺、奶奶！

 

- 孫孫第一次去飲，好high -

3個後生好識做！

今日婆婆（3叔姐）正日生日，3個後生（兩大一B）好識做，陪咗婆婆一日。婆婆固然開心，更開心係第一次生日有孫孫一齊慶祝！

今日早午晚：映月樓、黃泥涌水塘花園、東海。

 

- 3叔姐，Happy Birthday! -

老婆，生日快樂！

老婆，生日快樂！

咁多年黎，你都唔使我送花。我唯有，又去影花送比你啦：

幅相響香港公園影架，去得香港公園，除咗影花，梗係......唔停手，係咁影係咁影！

西區公眾貨物裝卸區碼頭影日落

上網見到好多響西區公眾貨物裝卸區碼頭影嘅靚相，於是拋妻棄孫，走去行下.......唔覺唔覺，都影咗幾百幅！

全部相都係用SX50影，佢始終係我最佳2奶，高炒低炒、飛行獵影、廣角遠攝.......咁多年佢都無令我失望！見到其他影友，左一部70-300、右一部16-35，佢換得鏡黎、對得焦黎我已經影咗廿幅！SX50真係好勁！

- bye -