挪亞：滅世啟示 - 60分

挪亞：滅世啟示

上半part我只當科幻片睇，特別係佢d石頭人出場，簡直好似睇緊變形金剛咁。下半part講到成個世界得番佢地船上幾個，仲繁唔繁衍落去呢？神想點呢？e part都好值得深思。

都係唔好當宗教啟示片睇，當睇一場138分鐘嘅科幻特技片睇算喇！

10幾年後再行麗海堤岸路

10幾年前Jonathan（柳醫生）帶過一次由深水灣沿海邊行去淺水灣之後，念念不忙好想再行，估唔到事隔10幾年，今日先至再去。

經過好多好多日唔係霧就天陰之後，今日終於見番個太陽（7:30am起身已經太陽照入屋），於是同3叔姐食完早餐就去銅鑼灣坐40號綠Van，響深水灣落。

雖然仲有吉燒烤爐，但係都已經好多人

條路靚咗咁多？

好多靚遊艇出動

對面係熨波洲，可以響碼頭仔叫街渡過去，不過無Jonathan帶，過去都無用

對面有個遊艇會

令人羡慕嘅大型別墅

好多小朋友

見到黃卓玲

不知名植物

 

淺水灣，始終都係最靚

行得好舒服，超舒服！

- 完 -

普洱茶餅

屋企嘅普洱清晒貨，突然記起舊年去福建老襯送咗一個普洱茶餅，正，唔使買。

沖出黎外表唔錯，飲落，少少滑、茶味比較清，都算唔錯！

個包裝都幾grand

 

茶葉都壓得幾實淨

都好容易搣開

第一泡茶色好似拔蘭地

右手果杯第二泡開始深色

第一份工，36年

上星期好平靜但係好繁忙咁渡過咗入職36年嘅紀念。好平靜，平靜到只係放工同3叔姐去詠藜園食碗擔擔麵就算；好繁忙，係忙到連半日假都攞唔到（其實係唔得閒攞），想好好慶祝都唔得。

近期都頻頻有榮休飯食，有d老同事都係做咗36-7年就退休，下面幅相就係其中一個退休同事嘅紀念品，公司送嘅：

e個金牌，大約兩半重，以目前大約$14,000一兩計，都賣到$21,000架！攞e個金牌都唔容易，要做滿15年+55歲至夠資格，我舊年都仲未攞到！不過，e家我幾時想攞，只要比個30日通知HR就攪掂！

小牛5歲

5歲

唔經唔覺，小牛已經5歲。e家幾個月至見佢一次，所以每次見到佢都覺得佢又大個咗。

真係光陰似火箭！

5個月

自己維修腳踏

估唔到響『實X』買$199一個嘅腳踏質素可以差成咁：面板得1mm厚、其餘5面仲連板都無，得12支木方造個架，外包膠皮、中間夾d綿布同海綿就算！

塊1mm板坐兩坐就斷，本來想去『實X』買過一個，但係買過一個咪又係咁！所以我決定自己修理。

e塊就係面板，1mm厚，軟嘅，我用手都可以撕爛佢

除晒d膠皮同綿

因為無木板，靈機一觸，用繩，拉成一個網

冚番塊厚海棉響網上面，包番好晒，慳番$199

事後比3叔姐讚到我飄飄然，等我退休後睇下可唔可以響街邊修理傢俬至得……

- 完 -

行花展 - 我好有耐性

放完自己d相，都放d 3叔姐影嘅相。

d相執過下啦，因為佢用咗當年2010年去上海世博專登買果部Casio儍瓜機仔，加上天陰，好難影架！

如果唔係我好有耐性咁話比佢聽點影點影……嘻嘻！應該……其實我講完都由佢自由發揮，響佢視線範圍內自己影相，佢有野問我又睇下……我都讚自己，難得咁有耐性！

至於d相，好唔錯吖！我比3叔姐100分架！

- 完 -