改過自新好難得

改過自新好難得, 那是做錯, 知錯, 承認, 而後請求原諒, 立心改過.

話說有一間時常光顧的食肆, 男經理連同兩女服務員穿櫃筒, 老闆發現, 男經理與女服務員A即走(未查證被趕走或是逃走), 女服務員B本跟著想走, 但知道一走老闆會報警, 亦知道自己做錯, 但錢又用了, 無得賠, 便請求老闆原諒, 希望留下, 一面做工一面扣糧還錢.

難得知錯能改, 更難得老闆亦不追究, 給做錯事的員工一次機會.

其實這位老闆的隨和及每次的熱情款待, 是我對這食肆不離不棄的主要原因.

學好廣東話發音

收到同事傳來的一些廣東話發音:

褫奪 (褫音齒)

冗長 (冗音湧)

繾綣 (繾音遣)

遏止 (遏音壓)-遏抑，怒不可遏

伉儷 (伉音抗)

乾涸 (涸音確)

售罄 (罄音慶)

猝死 (猝音撮)

骨骼 (骼音格)

游弋 (弋音亦)

抽屜 (屜音替)

酣睡 (酣音含)

休憩 (憩音器)

轉捩點 (捩音列)

劉以鬯 (鬯音暢)

贍養費 (贍音善)

震古鑠今 (鑠音削)

如火如荼 (荼音途)

病入膏肓 (肓音方)

皮膚白晳 (晳音色)

尸位素餐 (尸音屍)

搓圓 (搓音初)

噤若寒蟬 (噤音禁)

汗流浹背 (浹音接)

身陷囹圄 (囹圄音零語)

舐犢情深 (舐音徙)

毋庸置喙 (喙音晦) - 不許別人插嘴說話

紈袴子弟 (紈袴音完褲，袴與褲相通) -即二世祖

暴殄天物 (殄音「田」陽去聲) - 糟蹋或浪費之意

呲牙裂嘴 (呲音之) -將開嘴亂發噏風

床笫間事 (笫音紙) - 床席之事

草菅人命 (菅音奸) -指視人命如不值錢之茅菅(屬草類)

屋檐 (檐音嚴)

泅水 (泅音囚)

陝西 (從入，音閃)

陜窄 (從人，音合)

韙 / 諱 - 大逆不道稱大不韙 / 諱疾忌醫、諱莫如深

裨 / 稗 - 裨益 / 稗官野史 (稗音幣)

家常便飯 (3)

如果得兩個人開飯, 3叔姐會煮碟頭飯, 例如 :

• 西芹雞柳飯
• 免治牛肉飯
• 西炒飯
• 介蘭炒飯
• 生炒糯米飯.......

都唔知點解佢識煮.

有時大家口淡淡, 佢唔煮飯, 但會炒粉麵煲粥, 例如 :

• 干燒蝦子草茹伊麵
• 芽菜豉油王炒麵
• 耶菜絲蛋絲炒米粉
• 瑤柱白粥
• 菜乾粥.....

過年時各方親友又會收到3叔姐的愛心蘿蔔糕, 愛心蘿蔔糕又分名貴與普通, 因為名貴的會用上靚蝦乾同榮華臘腸去蒸.....

講咁多都係因為真心多謝3叔姐咁多年來的照顧, 及希望有朝一日她會睇這個BLOG

家常便飯 (2)

一壺愛心湯, 令3叔公記在心中25年, 那是一壺瑤柱瘦肉節瓜湯, 清甜, 香濃, 坐在病床上, 一口一口一滴不漏飲哂, 之後每次3叔姐問想飲乜野湯, 想也不想 : 瑤柱瘦肉節瓜湯.

3叔姐還煲青邊鮑雞湯, 節瓜章魚湯, 粉葛鯪魚湯, 蓮偶湯,青紅蘿白....西洋菜.........基本上一般正湯都煲比3叔公飲, 順德人, 果然正!

家常便飯之後, 往往還有合時生果, 例如去皮去核雪凍提子, 切得大小適中方便入口的火龍果, 哈蜜瓜.....meet 好哂的橙, 或者天冷時, 來個鮮奶雪耳燉木瓜....或者湯丸4粒.

3叔公一年只重兩磅, 算keep得好.

仲未講蝦子干燒伊麵....

家常便飯

食3叔姐煮的飯, 轉下眼........超過廿五年, 廿五年, 每年肥兩磅, 3叔姐居功至偉. 想當年, 運動健將一名, 學校足球隊代表, Form 5 First in Physical Education, 同褔堂運動會男子元老組總冠軍....俱往矣!

肥, 乜高物高, 亦不能賴3叔姐, 少運動也是主因. 但3叔姐煮的飯的確好味, my 飛佛包括: 

• 番茄煮蛋
• 蝦醬豆卜
• 姜絲蒸肉青
• 瑤柱蒸豆腐
• 牙菜仔大頭菜絲姜絲煮豆卜
• 蒸象拔蚌仔
• 炒白菜心
• 家鄉耦餅
• 炆雜菰齋雞
• 咕嚕蝦球
• 蒸東星班
• 西芹雞柳
• 豆豉蒸飛排
• 凍蟹
• 去骨豉油雞
• 瑤柱蒸水蛋
• 蝦子草菰煮豆腐
• 肉絲冬菰絲煮節瓜
• 發菜炆冬菰
• 無錫骨
• 肉鬆大豆牙菜碎......

都仲未講湯.

至營食譜防4高 (2)

食物越多汁越易入口, 食得多自然多吸收了油, 味精, 鹽, 糖....

記得當日lunch同歐生去大x活食粟米肉粒飯, 一碗粟米肉粒跟一碟飯, 人地將粟米肉粒畢落飯度食, 但我就將飯畢落粟米肉粒度食.


一班人出街食飯通常每碟食剩一舊, 我就唔好浪費, 食哂! (在此奉勸啤花, 食剩算啦)

一個壞的飲食習慣就造成血壓高的後果.

根據至營食譜防4高介紹 :

高血壓人士不宜多食 - 醃製肉類, 例如腸仔, 袋裝中式醬料, 即食杯麵, 微波爐食品, 加工食物, 例如魚蛋, 牛丸.......真悶!

法定假期

3叔姐每年的生日已經成為我每年的法定假期, 而這個假期又會過得特別開心, 因為可以完全不理公事, 盡情放一日假 ( 除了今日睇了廿多只e-mail).

一早已經收到Su Fen Birthday Wishes from all of them in Malaysia, 跟住玉芬姐, 大表姐, 張高的電話, 仲有...........3叔姐都好忙.

中午太古城美心皇宮飲茶, 下午佐敦澳洲牛奶公司high tea, 晚上太古城王家沙.....消費$650有找.

生日禮物? 有Crabtree & Evelyn hand cream, 東方紅即食燕盞 and GEOX皮鞋, 仲有小牛靚相 :

3叔姐, 生日快樂!

3叔姐, 沒有生日蛋糕, 沒有生日歌, 只有我的承諾, 不會變!

借小牛的開心大笑,


祝妳生日快樂! 希望妳身體健康, 逍遙自在, 為所欲為!

《至營食譜防4高》

偶然走入三聯書局, 發現了這本書: , 當時實在無辦法放下它, 因為它明明是為我而寫的. 4高 : 膽固醇高, 三酸甘油脂高, 血糖高及血壓高, 無一不中.

除了遺傳外, 原來飲食中的鈉是導至血壓高的元兇. 鹽, 味精, 防腐劑都有鈉. 每日吸收800毫克就夠, 但一碟味菜排骨炒麵3,300毫克, 一碟褔建炒飯3,100毫克, 雲吞麵2,900毫克, 餐蛋即食麵1,800, 牛筋湯麵3,200, .糯米雞一只1,400, ....... lunch 出街食飯咁多年, 唉! 唔怪之啦!

多謝註冊營養師余思行及陳勁芝, 她們出版這本書將會救我一命!

(頭條日報介紹: 於本港患有高膽固醇、高三酸甘油脂、高血糖及高血壓「四高」問題的患者，有年輕化的趨勢。遺傳、飲食與生活習慣都會增加出現四高的風險，養和體格健康檢查部營養師余思行及陳勁芝，集合多年實戰經驗，跟讀者分享四高成因、預防方法外，還針對即將生效的食物標籤法，教授大家精明閱讀標籤的技巧和陷阱。此外，兩位營養師還會將多年的私人珍藏食譜公諸同好。想保障自己及家人健康，從今天起便應培養低膽固醇、低脂、低糖、低鹽及低酒精的健康飲食習慣。)