南華贏傑志4-2奪銀牌賽冠軍

今日已經事先張揚, 唔去現場睇決賽, 因為小西灣實在唔好睇, 座位又遠, 角度又矮, 加上電視直播, 屋企睇高清好過.

今日場波好峰迴路轉. 睇完上半場, 南華輸緊 0-1, 我send 短訊比現場的"得得" : 南華不知所謂! then 二哥來電問點睇, 我話 : 南華會贏3-1. 點知下半場一開波仲輸多球, 0-2, 跟住短訊響, 有 friend 叫我 : 請保持風度! 佢好似知道我鬧緊南華, 點知, 突然風雲變色, 李海強交T史頂入, 1-2, 一分鐘後, 李志豪交里奧頂入, 2-2, 天呀! 你真好呀! 之後陳7同里奧各入多球, 4-2問你傑志服未. 最後同"得得"總結南華贏波原因 : 絕對係贏體能!

陳7連奪這個賽事的最佳球員及最佳神射手獎.

南華贏傑志4-2奪銀牌賽冠軍

今日已經事先張揚, 唔去現場睇決賽, 因為小西灣實在唔好睇, 座位又遠, 角度又矮, 加上電視直播, 屋企睇高清好過.

今日場波好峰迴路轉. 睇完上半場, 南華輸緊 0-1, 我send 短訊比現場的"得得" : 南華不知所謂! then 二哥來電問點睇, 我話 : 南華會贏3-1. 點知下半場一開波仲輸多球, 0-2, 跟住短訊響, 有 friend 叫我 : 請保持風度! 佢好似知道我鬧緊南華, 點知, 突然風雲變色, 李海強交T史頂入, 1-2, 一分鐘後, 李志豪交里奧頂入, 2-2, 天呀! 你真好呀! 之後陳7同里奧各入多球, 4-2問你傑志服未. 最後同"得得"總結南華贏波原因 : 絕對係贏體能!

陳7連奪這個賽事的最佳球員及最佳神射手獎.

過年前的災難

作為基督徒, 好多時會問 : 為甚麼神容許災難呢? 特別是每年過年前都似乎有一單勁大災難.

神可以制止嗎? 我相信如果衪要制止, 是可以的. 但人知道是衪制止的嗎? 人信是祂制止的嗎? 今次制止了, 人會警醒改過嗎?

我相信祂已經制止了很多災難了, 只不過人不知道, 亦不信, 總以為好彩, 人都選擇以自己的意願去行. 我問過一個人 : 你信世間上有個神在主宰著嗎? 他說 : 我甚麼都不信, 我信自己.

希望今次土瓜灣塌樓意外, 是一個警醒, 所有高樓齡舊樓的住客, 要維修, 甚至搬走. 千萬別等人收購, 賴死唔走, 好彩不是必然的.

太累了

終於抵擋不住病毒入侵, 大傷風了, 但偏偏大傷風工作卻勁多, 今日竟然朝九晚十, 這星期又要埋數, 點死?

巴士

當年坐巴士, 單層, 一個司機一個賣飛, 上了車只可以抓住柱或者椅背, 想抓住上面的皮吊環是不夠高了. 有人落車, 賣飛的拉一拉條繩, 車頭司機位有個錘, “郭郭”, 通知司機下一站有人要落車.



今日坐巴士, 細心數一數, 發現原來已經先進得好勵害, 一架巴士, 包含左好多系統 :

• 驅動系統
• 方向轉動系統
• 照明系統 (車外, 車內)
• 剎車系統 (腳掣, 手掣)
• 空調系統
• 通訊系統 (打鐘通知車長落車)
• 逃生系統 (逃生門, 打破玻璃窗的錐)
• 收費系統 (八達通, 現金)
• 宣傳系統 (road show, 提示標語)
• 音響系統
• 監察巴士系統 (車速, 電油)
• 監察乘客系統 (樓上閉路電視, 車內倒後鏡)
• 監察馬路環境系統 (車外倒後鏡)
• 上落車方向系統
• 車門開關系統
• 調低上車高度系統
• 停車關門提示系統 (BB聲)
• 傷健人士輔助系統
• 防水系統
• 抽風系統
• 癈氣排放系統
• 機器降溫系統
• 擋風玻璃清潔系統 (水撥)
• 訊號系統 (指揮燈, 剎車燈)
• 乘客安全系統, (坐椅, 扶手, 安全帶)
• 防火系統 (減火筒)
• 行李安放系統
• 路牌發光系統
• 路線發聲系統

可能還有.........應該仲有!

南華贏大埔1-0

南華今日有新外援里奧出場, 所以唔入場睇唔得, 結果南華贏1-0, 里奧頭錘建功, 入得好靚, 砰一聲, 掛網, 兩個後衛夾實都比佢頂入,

佢仲全場追波, 無架子, 好笑容, 提隊友走位及追人.南華就是需要一個這樣的球員.

其實公司都係, 成Team人日做夜做, 死做爛做, 無突破, 依頭 daily job 未做好, 果頭又有新 project, 依頭答應要交乜交物, 果頭有人又話依單急果單急. 要做佢單先. 如果突然間有個新人加入, 有無經驗都好, 肯比意見, 當大家埋頭埋腦, 佢突然爆句 : 不如咁啦...........一潭死水, 比佢郁一郁都好.

之前上過 QIT (Quality Improvement Team) 堂, 亦在自己Team玩過一次Mini QIT, 效果唔錯, 都好想趁2010年, 新的開始, 玩一次 QIT, 成Team人, 一齊按步就班, 找問題, 找困難, 提意見, 想方法, 寫目標, 分工, 定期檢討.....無新人加入就唯有原班人馬, 自力更生, 爭爭氣氣.

亦都寄語南華, 目前人腳已經是全港最好了, 羅生未必肯再買外援, 肯亦未必話買就買到好野, 好自為之吧!

新歡 : 南瓜湯 & 斑蘭蛋糕

最近的兩個新歡 :

1) 南瓜湯 用番茄, 紅蘿蔔, 瘦肉, 南瓜, 簡簡單單的煲埋一煲, 多料少水, 濃濃的, 甜, 帶南瓜的香. 朋友一家4口到訪, 晚飯後, 一人幾碗, 飲光成煲湯, 我想飲都無.

2) 斑蘭蛋糕 大表姐到訪, 好客氣, 帶上美心餅盒, 心想, 咁平常? 打開, 綠色圓形蛋糕, 好食咩? 好好食呀! 今日都買了一個回公司請同事試下, 1開16, 一人一件, 都有1.5cm厚, 無人不讚. 香! 滑! 口感正! 講哂.




新鮮斑蘭葉焗製 享受原汁風味 美心西餅推出全新的斑蘭蛋糕(Pandan Cake)，其獨特淸新口味，是由新鮮斑蘭葉原汁焗製，飄散著濃郁的東南亞風情。

原汁斑蘭葉烘製 獨特淸香 斑蘭為東南亞地區出產的植物，綠綠長長的葉子散發著一股獨有的淸香氣味。美心西餅嚴選優質材料，精擷新鮮天然的斑蘭葉，將其榨汁再混入幼滑濃稠的椰奶，原汁烘製而成斑蘭蛋糕，其獨特淸香極緻釋放，非一般的味覺享受。

蛋糕綿潤鬆軟 呈嫩綠色澤 斑蘭蛋糕綿潤鬆軟，除以原汁原味的斑蘭葉汁打造，增加蛋糕濕度外，另一秘訣是採用了獨特的烘焙技術，使蛋糕温度更平均及全面受熱，造成鬆軟口感。

幫到同事=幫到自己

週不時都收到 sales 要求幫手打 tender. 真唔明我做 sales 時乜都自己做, 由睇 terms, 報價, 做文件, 包括入埋tender box. 當然, 現在規模大了, 由我一 team 做哂文件都合理, 不過當遇上部份內容需要交軟件就麻煩, 即係要將硬件人肉變做 Excel 或者 Word.

見到同事打到手軟都唔係好忍心, 的起心肝, 上網搵軟件, 終於搵到件 將 PDF convert to Excel, Word, PPT ............ Able2Extract Professional,http://www.investintech.com/able2extract.html 試用7日, 無得頂, 清晰文件100%認到, Excel 分行分隔亦做得相當滿意. 趁2010年有新opex, 即買.

幫到同事, 人都快樂d.

《阿凡達》VS 菜園村

今日見到明報報導, 想起阿凡達劇情, 又真係幾似 :

菜園村婆婆﹕遭遇似《阿凡達》 80後反高鐵 五區苦行3天

(明報)2010年1月3日 星期日 05:05


【明報專訊】全球熱播的電影《阿凡達》，描述人類為資源入侵另一星球，當地土著奮起抵抗。一名「有心人」昨午在銅鑼灣時代廣場戲院「包院」，供被高鐵工程「逼遷」的菜園村村民和反高鐵青年組團看《阿凡達》，散場後村民紛表示：「遭遇同我地好似！」經過元旦的激烈抗議後，一班80後年輕人將再度出擊，計劃周二起一連3天組織「五區苦行」，走遍全港。

有心人數萬元包院請睇戲

「人地話會眼花，我都無眼花……」80歲的高婆婆昨日戴上特製3D眼鏡，看完人生第一套「三維電影」，有人說她像戲中的「村長」，她聞言連忙搖手：「唔似，我邊係村長。」但她說﹕「入面的人遭遇咪同我地一樣囉﹗」

昨日電影播放兩個多小時，完場時全場觀眾在戲院內大叫「不拆不遷」。高婆婆的女兒、石崗菜園村關注組主席高春香表示，原本不打算投入太多感情看戲，但因劇情和遭遇相似，她亦很感觸，《阿凡達》內土著最終勝利，菜園村呢？「有天公地義會幫我地。」她重申將死守菜園村至最後一天。

反高鐵關注組成員朱凱迪早前表示，一名有心人看到年輕人包圍立法會 苦行後很感動，惟因身分不便出面支持，故捐出數萬元包下一場《阿凡達》200多個座位以示支持，電影上映前後，他們於時代廣場舉行展覽及研討會。...........

花木蘭與木蘭辭

上月與堂兄弟姊妹聚會, 堂姊居然能背木蘭辭 :

唧唧復唧唧，木蘭當戶織。不聞機杼聲，惟聞女歎息。問女何所思，問女何所憶。「女亦無所思，女亦無所憶。昨夜見軍帖，可汗大點兵。軍書十二卷，卷卷有爺名。阿爺無大兒，木蘭無長兄。願為市鞍馬，從此替爺征。」

東市買駿馬，西市買鞍韉，南市買轡頭，北市買長鞭。旦辭爺孃去，暮宿黃河邊；不聞爺孃喚女聲，但聞黃河流水聲濺濺。旦辭黃河去，暮宿黑山頭；不聞爺孃喚女聲，但聞燕山胡騎聲啾啾。萬里赴戎機，關山度若飛。朔氣傳金柝，寒光照鐵衣。將軍百戰死，壯士十年歸。

歸來見天子，天子坐明堂。策勳十二轉，賞賜百千彊。可汗問所欲，「木蘭不用尚書郎；願借明駝千里足，送兒還故鄉。」

爺孃聞女來，出郭相扶將。阿姊聞妹來，當戶理紅妝。小弟聞姊來，磨刀霍霍向豬羊。開我東閣門，坐我西閣床；脫我戰時袍，著我舊時裳；當窗理雲鬢，對鏡帖花黃。出門看火伴，火伴皆驚惶：「同行十二年，不知木蘭是女郎！」

雄兔腳撲朔，雌兔眼迷離；兩兔傍地走，安能辨我是雄雌？

我連讀都未識讀哂, 但恐怕以下攪笑板她不會了 :

積積復積積，唔識就唔識， 測驗夠刺激，居然無題識， 上堂聽唔識，搗亂多款式， 自修一樣識，睬佢都生積， 生係中國人，死係中國魂， 要我學英文，梗係冇可能， 英語唔合格，更顯我性格， 數學唔合格，老師負全責， 語文唔合格，咁我冇辦法， 考試考得好，全靠隔離好， 考試考唔好，隔離唔識做， 日日返學愁更愁，老師講野無離頭， 我就聽到似夢遊，次次批評無理由， 功課多到似報仇，做野做到似撈頭， 返學為左乜，日日被糟質， 功課都係抄，一係就唔交， 返學等放學，放學飲可樂， 打鐘各自飛，就咁又一Day。