3叔公BLOG: 8月 2011

2011年8月28日星期日

Macaron

Koko一擔心機整咗20幾個macaron比大家試，煙煙韌韌，同專門店買嘅9成相似，佢無咁甜添，仲有綠茶，朱古力，咖啡，玫瑰等等味道，街買$15，e家自己整，唔計人工，$3-

2011年8月27日星期六

難得有情人

公司内通常都無乜喜事，聖誕新年 gathering ，做多過玩，僑遷之喜，搬到怕怕，結婚生仔，都無乜特別高興，但係今日就真係有件喜事。

因為"啤花"聽日生日，佢嘅一個未曝過光嘅朋友又送黎靚花一盒，同埋 Dreyers 雪糕生日蛋糕一個。收花一刻，同事都不禁鼓掌凳佢開心，"啤花"登時面都紅晒！

今時今日，咁有心，仲咁多年黎未停止過送花送餅，"啤花"你要好好珍惜喇！Happy Birthday

難得有情人

今時今日，咁有心，仲咁多年黎未停止過送花送餅，"啤花"你要好好珍惜喇！Happy Birthday

小牛行為觀察表

小牛

返學好有性格，由學校比佢嘅觀察表可見一斑：

佢係絕不向老師表示有如廁嘅需要嘅
佢係無乜興趣同老師嬸嬸打招呼嘅
佢係唔中意坐定定比老師教佢嘅……
不如你自己睇啦！

2011年8月26日星期五

咁都得？！

屋宛下面有個商場，居然請女人清潔男廁，男人有男人企響度屙，個女人照響後面拖地，個女人唔係上咗年紀，而係精壯女仕，精壯女仕除咗識講泰國話，仲講得一口流利廣東話。

遇見商場老闆，問佢點解，佢嘅解釋居然係：d友仔好衰咖，尤其係d裝修佬，響度沖涼，攪到濕晒，e家搵個女人響度佢地就唔敢沖囉！

咁嘅解釋都得，有無攪錯！

2011年8月20日星期六

猿人爭霸戰：猩凶革命 - 75分

今晚又無義氣，留低 KaLa、PC同埋暈低繼續響公司搏殺，自己走去睇9點半，因為真係好想睇。

結果都無失望，$55蚊飛，環迴立體聲，咁大製作，超值。最正係響金門橋人、猿對決，個鏡頭居然係跟住人猿上天下海一take過，d特技真犀利。

特別推介比 BLOG友，and，提醒各位，唔好遲到同埋出字幕都唔好起身住。

2011年8月19日星期五

NOW TV Channel 634

等! 都幾辛苦。

足球放暑期，無南華睇，要等到9月10号先至有南華對屯門。

不過羅生blog傳黎好消息，NOW會開一條新頻道 634 ，專播香港足球,免費，正呀!

好期待睇下南華新教練嘅功力;睇下旺角新球場；睇下NOW634台。。。。。

2011年8月14日星期日

2011年8月13日星期六

當年由做Field升咗級做Control，開始使用電腦，不過都係用公司内置程式，直至轉做Maintenance Contract Team，開始有資料庫要處理。

初期跟住個上司，用硬皮紅黑簿做記錄，抄抄寫寫，月尾計數用計數機㩒㩒㩒......

眼見唔係辦法，放工就去揾電腦學，響北角健威商塲有間電腦舖有得教，賣嘢個4眼仔提議我學Lotus123，咪學囉，6堂，90蚊，全班得我同另外一個女仔，點知個女仔學完4堂就唔學，4眼仔要我等下一班再開至學番第5第6堂，會通知我，但係e家事隔30年我都無收到通知......

Lotus123學到半桶水，轉學Symphony，因為公司電腦内置咗，原來仲正，因為可以將database内d資料轉落合約信，快好多。學Symphony又係90蚊，唔係上堂，係買書睇，自學。幾年後，Window3.1出現，無辧法，唔學Excel唔得喇!

e家d Excel響公司尚算應付得到，全靠e本Excel秘笈

雲南 - 南疆百夷文化

買e本書係因為最近睇過一個旅遊節目介紹雲南：滇池、茶馬古道、大理、麗江古城、瀘沽湖、香格里拉、納西族、玉龍雪山…… 風景靚到不得了

(網上照片)

(網上照片)

雲南南疆百夷文化

雲南地處中國西南部，西臨緬甸、南接寮國，
東南方則為越南，自古即是中國連接東南亞各
國的陸路要道。

雲南的文化與民情風俗豐富而精彩，二十五個
少數民族、五百里滇池、蜿蜒崇山峻嶺間的茶
馬古道、媲美布達拉宮的松贊林寺…等，處處
風景如畫，高原與深谷形成的多樣氣候與地貌，
展現了雲南萬千變化的婀娜風情。

精彩內容：

◆蒙塵的高原明珠—滇池
◆中國西南域的絲路—茶馬古道
◆金庸小說中的段家皇朝—大理
◆探訪世界文化遺產—麗江古城
◆神秘的摩梭女兒國—瀘沽湖
◆西北高原的最後淨土—香格里拉
◆少數民族采風—大理白族、麗江納西族
◆節慶風俗巡禮—三道茶、朝白水、火把節、五月五賽馬節、摩梭族阿夏婚